Trending Stock: టాటాల నుంచి ఆర్డర్.. ఇన్వెస్టర్లు ఎగబడి కొంటున్న స్టాక్.. బడ్జెట్లోనే రేటు..

Panabyte Technologies: మోదీ సర్కార్ 3.0 వస్తుందని కన్ఫమ్ అవ్వటంతో దేశీయ స్టాక్ మార్కెట్లు చెలరేగిపోతున్నాయి. దీంతో మార్కెట్లు ఎన్నికల ఫలితాల రోజున కుప్పకూలినప్పటికీ తిరిగి వేగంగా పుంజుకున్నాయి. ఈ క్రమంలో ఒక స్టాక్ కొనేందుకు ఇన్వెస్టర్లు ఎగబడటం అందరినీ ఆకర్షిస్తోంది.

ఇప్పుడు మనం మాట్లాడుకోబోతున్నది పనాబైట్ టెక్నాలజీస్ లిమిటెడ్ కంపెనీ షేర్ల గురించే. శుక్రవారం ఇంట్రాడే ట్రేడింగ్ సమయంలో Panabyte Technologies షేర్లు ఫోకస్‌లో కొనసాగాయి. కన్స్యూమర్ ఎలక్ట్రానిక్ అండ్ ఎలక్ట్రికల్ వస్తువులు, IT హార్డ్‌వేర్ సేవల్లో కంపెనీ షేర్లు నిన్న 6% పెరిగి ఒక్కో షేరు ధర రూ.25.54 వద్ద ముగిసింది. అయితే అనూహ్యంగా కంపెనీ షేర్లలో పెరుగుదలకు కారణం టాటా గ్రూప్ నుంచి పొందిన పెద్ద ఆర్డర్ కారణంగా తెలుస్తోంది. దీంతో నిన్న కంపెనీ మార్కెట్ క్యాప్ భారీ పెరుగుదలను నమోదు చేసింది.

పనాబైట్ టెక్నాలజీస్ టాటా మెమోరియల్ సెంటర్ - అడ్వాన్స్‌డ్ సెంటర్ ఫర్ ట్రీట్‌మెంట్, రీసెర్చ్ అండ్ ఎడ్యుకేషన్ ఇన్ క్యాన్సర్ (ACTREC) నుంచి టెస్టింగ్ అండ్ కమీషనింగ్ కోసం ఆర్డర్‌ను అందుకుంది. ఈ ఆర్డర్ విలువ రూ.3.63 లక్షలుగా ఉన్నట్లు తెలుస్తోంది. కంపెనీ ఎక్స్ఛేంజ్ ఫైలింగ్ ప్రకారం పానాబైట్ టెక్నాలజీస్ టాటా మెమోరియల్ సెంటర్ - అడ్వాన్స్‌డ్ సెంటర్ ఫర్ ట్రీట్‌మెంట్, రీసెర్చ్ అండ్ ఎడ్యుకేషన్ ఇన్ క్యాన్సర్ నుంచి CCTVల సరఫరా, ఇన్‌స్టాలేషన్, టెస్టింగ్ అండ్ కమీషన్ కోసం తాజా ఆర్డర్‌ను అందుకుంది.

పనాబైట్ టెక్నాలజీ కార్యకలాపాల ద్వారా వచ్చే ఆదాయం ఏడాది ప్రాతిపదికన మార్చి త్రైమాసికంలో 57 శాతం క్షీణించింది. ఎఫ్‌వై22-23లో రూ.8.87 కోట్ల నుంచి ఎఫ్‌వై23-24లో రూ.3.75 కోట్లకు పడిపోయింది. మరోవైపు నికర నష్టం FY23-24లో రూ.0.46 కోట్లకు చేరుకుంది. మార్చి 2024 నాటికి కంపెనీలో ప్రమోటర్లకు 17.03 శాతం, ఇన్వెస్టర్లకు 82.97 శాతంగా ఉంది. 1981లో స్థాపించబడిన పానాబైట్ టెక్నాలజీస్ వినియోగదారు ఎలక్ట్రానిక్ అండ్ ఎలక్ట్రికల్ వస్తువులు, IT హార్డ్‌వేర్ అండ్ పెరిఫెరల్స్, పరిశుభ్రత ఉత్పత్తులు వంటి బహుళ ఉత్పత్తుల పంపిణీదారుల వ్యాపారంలో చురుకుగా ఉంది.