Power Stock: LIC పెట్టుబడిపెట్టిన స్టాక్.. షేర్ల కోసం ఇన్వెస్టర్లు ఎగబడుతున్నారు..

SJVN Shares: దేశంలో ప్రస్తుతం మంచి ర్యాలీని చూస్తున్నవాటిలో పవర్ రంగానికి చెందిన షేర్లు కూడా ఉన్నాయి. ఈ రంగంలోని అనేక కంపెనీలపై రిటైల్ ఇన్వెస్టర్లతో పాటు ఎల్ఐసీ లాంటి సంస్థలు సైతం పందెం వేయటం మార్కెట్లలో అందరి దృష్టిని ఆకర్షిస్తోంది.

ఇప్పుడు మనం మాట్లాడుకోబోతున్నది ఎస్జేవీఎన్ లిమిటెడ్ కంపెనీ షేర్ల గురించే. కంపెనీ షేర్లు గురువారం 6.1 శాతానికి పైగా పెరిగి ఇంట్రాడే గరిష్ట స్థాయి రూ.151.60కి చేరాయి. అయితే అనూహ్యంగా షేర్లలో పెరుగుదలకు పెద్ద కారణమే ఉంది. నిజానికి లైఫ్ ఇన్సూరెన్స్ కార్పొరేషన్ ఆఫ్ ఇండియా(LIC) జూన్ త్రైమాసికంలో SJVNలో తన వాటాను 2.26%కి పెంచుకోవటం ప్రధాన కారణంగా ఉంది. మార్చితో ముగిసిన త్రైమాసికంలో ఎల్ఐసీ కంపెనీలో 1.73 శాతం వాటాలను హోల్డ్ చేస్తున్న సంగతి తెలిసిందే. SJVN లిమిటెడ్‌లో రిటైల్ వాటాదారుల సంఖ్య కేవలం మూడు నెలల్లో 12 లక్షలకు పెరిగినట్లు తాజా డేటా వెల్లడిస్తోంది.

ఇదే క్రమంలో కంపెనీలో భారతీయ మ్యూచువల్ ఫండ్స్ కూడా తమ వాటాను పెంచుకున్నాయి. జూన్ త్రైమాసికం ముగింపులో మ్యూచువల్ ఫండ్స్ SJVNలో 1.56% వాటాను కలిగి ఉన్నాయి. అయితే గత ఆర్థిక సంవత్సరం మార్చి త్రైమాసికంలో 1.54% వాటాను మాత్రమే అవి హోల్డ్ చేస్తున్నాయి. ఇదే క్రమంలో కంపెనీలో విదేశీ పోర్ట్‌ఫోలియో ఇన్వెస్టర్ల వాటా దాదాపు స్థిరంగా ఉంది. ప్రభుత్వం ఇప్పటికీ 81.85% వాటాతో పవర్ కంపెనీలో అతిపెద్ద వాటాదారుగా ఉంది.

ఒకసారి టెక్నికల్స్ పరిశీలిస్తే.. స్టాక్ 61.7 వద్ద రిలేటివ్ స్ట్రెంత్ ఇండెక్స్ (RSI)తో 'ఓవర్‌బాట్' లేదా 'ఓవర్‌సోల్డ్' జోన్‌లో ట్రేడ్ అవుతోంది. RSI 70 కంటే ఎక్కువ ఉంటే, స్టాక్ 'ఓవర్‌బాట్' భూభాగంలో ఉందని సూచిస్తుంది. స్టాక్ ఒక-సంవత్సర బీటా 1.6గా ఉంది. అదే కాలంలో చాలా ఎక్కువ అస్థిరతను సూచిస్తుంది. కౌంటర్ 5-రోజులు, 20-రోజులు, 50-రోజులు, 100-రోజులు, 150-రోజులు, 200-రోజుల సాధారణ చలన సగటు (SMA) కంటే ఎక్కువగా ట్రేడవుతోంది. 2024లో ఇప్పటివరకు SJVN లిమిటెడ్ షేర్లు దాదాపు 64% పెరిగాయి.