హైకోర్టు జడ్జ్ జీతం ఎంతో తెలుసా: సగం మందికి తెలియని ఇంట్రెస్టింగ్ విషయాలు!

High Court Judge Salary: తాజాగా ఢిల్లీ హైకోర్టు న్యాయమూర్తి జస్టిస్ యశ్వంత్ వర్మ ఇంట్లో సగం కాలిన నోట్ల కట్టలు బయటపడటం తీవ్ర కలకలం రేపింది. హైకోర్టు న్యాయమూర్తికి కేటాయించిన ప్రభుత్వ బంగ్లాలో మంటలు చెలరేగిన తర్వాత, అగ్నిమాపక బృందం అక్కడికి చేరుకొని మంటలను ఆర్పింది. ఆ సమయంలోనే బంగ్లా నుండి భారీ మొత్తంలో నగదు స్వాధీనం చేసుకున్నారు, దింతో ఈ విషయం మరింత చర్చనీయాంశమైంది. ఈ సంఘటన తర్వాత చాలా మంది హైకోర్టు న్యాయమూర్తి జీతం, ఇతర సౌకర్యాలు ఏంటి అని ప్రశ్నించడం ప్రారంభించారు ?

హైకోర్టు న్యాయమూర్తి జీతం: హైకోర్టు న్యాయమూర్తుల జీతాన్ని కేంద్ర ప్రభుత్వం నిర్ణయిస్తుంది. న్యాయ శాఖ వెబ్‌సైట్ ప్రకారం, ప్రస్తుతం హైకోర్టు న్యాయమూర్తికి నెలకు రూ. 2.25 లక్షలు (రూ. 2,25,000) జీతం చెల్లిస్తున్నారు.

హైకోర్టు న్యాయమూర్తి పెన్షన్ అండ్ గ్రాట్యుటీ: పదవీ విరమణ తర్వాత కూడా హైకోర్టు న్యాయమూర్తులకు ఆర్థిక భద్రత కల్పిస్తారు.

పెన్షన్: హైకోర్టు న్యాయమూర్తి పదవీ విరమణ తర్వాత సంవత్సరానికి రూ. 13.50 లక్షలు (అంటే నెలకు రూ. 1.12 లక్షలు) పెన్షన్ పొందుతారు .

గ్రాట్యుటీ: ఒక హైకోర్టు న్యాయమూర్తి సర్వీస్ పూర్తయిన తర్వాత రూ. 20 లక్షలు గ్రాట్యుటీగా అందుకుంటారు.

ప్రోత్సాహకాలు ఇంకా అదనపు సౌకర్యాలు: జీతంతో పాటు హైకోర్టు న్యాయమూర్తులకు అనేక అలవెన్సులు సహా సౌకర్యాలు కూడా కల్పిస్తారు. ఇవి ఎలాంటి సౌకర్యాలు అంటే :

*ఫర్నిషింగ్ అలవెన్స్: అతను ఉండేందుకు ప్రభుత్వ నివాసానికి ఫర్నిషింగ్ కోసం రూ.6 లక్షల ఫర్నిషింగ్ అలవెన్స్ లభిస్తుంది.
*హౌస్ రెంట్ అలవెన్స్ (HRA): హైకోర్టు న్యాయమూర్తులకు వారి బేసిక్ జీతంలో 24 శాతం HRAగా ఇస్తారు.
*ఇతర అలవెన్స్: ప్రభుత్వ ఇంకా సామాజిక కార్యక్రమాలకు సంబంధించిన ఖర్చులను నిర్వహించడానికి హైకోర్టు న్యాయమూర్తులకు నెలకు రూ.27,000 భత్యం ఇస్తుంది.

జీతం అండ్ పెన్షన్
*హైకోర్టు న్యాయమూర్తుల జీతాలు ఇంకా అలవెన్సులు సంబంధిత రాష్ట్ర నిధి నుండి ఖర్చు చేయబడతాయి.
*అదే సమయంలో వారి పెన్షన్ ఖర్చులు భారత ప్రభుత్వ నిధి నుండి భరిస్తాయి.

వీటితో పాటు ఇతర సౌకర్యాలు: హైకోర్టు న్యాయమూర్తులకు సెక్యూరిటీ, కారు, డ్రైవర్, సిబ్బంది ఇంకా ఇతర సౌకర్యాలు కూడా కల్పించబడతాయి, తద్వారా వారి న్యాయపరమైన పనులను సజావుగా నిర్వహించుకోవచ్చు. అందువల్ల, హైకోర్టు న్యాయమూర్తులు ఆకర్షణీయమైన జీతాలను పొందడమే కాకుండా, పదవీ విరమణ తర్వాత కూడా తగిన ఆర్థిక ప్రయోజనాలను కూడా అందుకుంటారు.