Inox Wind: లోయర్ సర్క్యూట్ లో లాక్ అయిన ఐనాక్స్ విండ్..

ఐనాక్స్ విండ్ లిమిటెడ్ షేర్లు మంగళవారం భారీగా తగ్గాయి. లోయర్ సర్క్యూట్‌లో లాక్ అయ్యాయి. గత రెండు రోజులు పెరిగిన స్టాక్ ఈ రోజు పడిపోయింది. కంపెనీలోని 6.03 కోట్ల షేర్లు లేదా 6% వాటా రెండు ట్రేడ్‌లలో సగటు ధర రూ. 150 చొప్పున చేతులు మారాయి. దీంతోనే స్టాక్ పై ప్రెషర్ కనిపించింది. అయితే కొనుగోలుదారులు, విక్రేతలు ఈ రోజు నైట్ వరకు తెలిసే అవకాశం ఉంది.

ఐనాక్స్ విండ్ ప్రమోటర్ ఓపెన్ మార్కెట్ కార్యకలాపాల ద్వారా కంపెనీలో 5% వరకు వాటాను అమ్మాలని భావిస్తున్నారు. BSE డేటా ప్రకారం, ప్రమోటర్ మార్చి 2024 నాటికి హెవీ ఎలక్ట్రికల్ పరికరాల కంపెనీలో 38.43% వాటాను కలిగి ఉన్నారు. మార్చి 2024 నాటికి అన్ని వాటాదారుల వద్ద ఉన్న కంపెనీ మొత్తం షేర్ల సంఖ్య 32.59 కోట్లు. కానీ, కంపెనీ, మే 24, 2024న, 3:1 నిష్పత్తిలో బోనస్ షేర్లను జారీ చేసింది. దీంతో మొత్తం షేర్ల సంఖ్య 97.78 కోట్లకు చేరుకుంది.

ఐనాక్స్ విండ్ షేర్లు 9.99% పడిపోయి NSEలో ఒక్కొక్కటి రూ. 147.75 దిగువ సర్క్యూట్‌ను తాకాయి. గత 12 నెలల్లో ఈ స్టాక్ 340% పెరగ్గా.. జనవరి నుంచి 18% పెరిగింది. కంపెనీని ట్రాక్ చేస్తున్న నలుగురు విశ్లేషకులు స్టాక్‌కు 'కొనుగోలు' రేటింగ్‌ను ఇచ్చారు. అయితే గత కొంత కాలంగా ఎనర్జీ స్టాక్ ల్లో సానుకూలత కనిపిస్తోంది. అందుకే ఈస్టాక్ పెరిగినట్లు తెలుస్తోంది.