For Quick Alerts
ALLOW NOTIFICATIONS  
For Daily Alerts

ఖర్చులు తగ్గించుకునేందుకు ఇన్ఫోసిస్‌లో సీనియర్లపై వేటు వేస్తున్నారా?

|

ఐటీ దిగ్గజం ఇన్ఫోసిస్‌లో కొంతమంది సీనియర్ ఉద్యోగులను తీసివేసేందుకు రంగం సిద్ధమవుతోందని వార్తలు వస్తున్నాయి. వైస్ ప్రెసిడెంట్స్, అసోసియేట్ వైస్ ప్రెసిడెంట్స్, సీనియర్ వైస్ ప్రెసిడెంట్స్, డెలీవరీ మేనేజర్ల హోదాల్లో కొంతమందిపై వేటు వేసేలా కనిపిస్తోందట. జేఎల్ 6,7,8 స్థాయిలలో కోతలు ఉంటాయని కూడా వార్తలు వస్తున్నాయి. కరోనా కారణంగా ఆర్థిక కార్యకలాపాలు నిలిచిపోయి సంస్థలు నష్టపోయిన విషయం తెలిసిందే. ఈ ప్రభావం ఐటీ రంగంపై కూడా భారీగానే పడింది.

వేతనాలు పెరిగాయి, లాభం తగ్గింది: 27% పెరిగిన ఇన్ఫోసిస్ సీఈవో రెమ్యునరేషన్

వారిలో 1,300 మందికి ఉద్వాసన

వారిలో 1,300 మందికి ఉద్వాసన

ఆర్థిక మందగమనం, కరోనా, లాక్ డౌన్ నేపథ్యంలో వ్యయ నియంత్రణ దిశగా ఇన్ఫోసిస్ అడుగు వేస్తోంది. దేశ, విదేశీ మార్కెట్లలో తగ్గిన వ్యాపార అవకాశాలు, పడిపోయిన ఆదాయం కారణంగా సంస్థ కఠిన నిర్ణయాలు తీసుకునే దిశగా అడుగు వేయాల్సి వస్తోందని తెలుస్తోంది. జేఎల్ 7, 8 శ్రేణిల్లో 13 వేలమంది ఉండగా, 1,300 మంది వరకు ఉద్యోగాలు కోల్పోయే ప్రమాదం ఉందట.

రూ.40 లక్షల శాలరీ.. ఖర్చులు తగ్గుతాయి

రూ.40 లక్షల శాలరీ.. ఖర్చులు తగ్గుతాయి

జేఎల్ 6, 7, 8 వంటి సీనియర్ రోల్స్‌లో ఇన్ఫోసిస్‌లో 30,000 మంది వరకు ఉన్నారు. ఇందులో జేఎల్ 7, 8లో 13,000 మంది ఉంటే పది శాతం నుండి 15 శాతం మందికి ఉద్వాసన పలకవచ్చునని తెలుస్తోంది. ఐదంచెల వ్యవస్థను రెండంచెలుగా మార్చాలని చూస్తోందని తెలుస్తోంది. ప్రస్తుత క్లిష్ట పరిస్థితుల్లో పునర్నిర్మాణం వల్ల ఖర్చులు గణనీయంగా తగ్గుతాయని భావిస్తోందట. ఎందుకంటే మేనేజర్స్ వేతనాలు రూ.35 లక్షల నుండి రూ.40 లక్షల వరకు ఉన్నాయి. వీపీలు, ఎస్వీపీకు భారీ రెమ్యునరేషన్ ఉంది.

వర్క్ ఫోర్స్‌ను తగ్గించే ప్రణాళికలు లేవు

వర్క్ ఫోర్స్‌ను తగ్గించే ప్రణాళికలు లేవు

ఉద్వాసనపై కంపెనీ అధికార ప్రతినిధి కూడా మాట్లాడినట్లుగా వార్తలు వచ్చాయి. ప్రస్తుతానికి వర్క్ ఫోర్స్‌ను తగ్గించే ప్రణాళికలు లేవని చెప్పారు. అయితే పనితీరు ఆధారంగా ప్రతి సంవత్సరం జరిగే సాధారణ ప్రక్రియ ఉంటుందని చెప్పారు. ప్రస్తుతం కంపెనీకి సీనియర్ లెవల్‌లో పలువురు మేనేజర్లు ఉన్నారు.

పెరిగిన సీఈవో, సీఓఓల వేతనం

పెరిగిన సీఈవో, సీఓఓల వేతనం

ఇదిలా ఉండగా, ఇన్ఫోసిస్ సీఈవో సలీల్ పరేఖ్, సీవోవో ప్రవీణ్ రావుల వేతనాలు 2019-20 ఆర్థిక సంవత్సరంలో 25 శాతం వరకు పెరిగిన విషయం తెలిసిందే. సలీల్ పరేఖ్ రూ.46.12 కోట్ల (6.1 మిలియన్ డాలర్లు) వేతనాన్ని అందుకున్నారు. బోనస్, ప్రోత్సాహకాలు, స్టాక్ యూనిట్స్ అన్నీ కలుపుకొని 27 శాతం పెరిగి రూ.46 కోట్లుగా ఉంది. అంతకుముందు ఏడాది (2018-19) ఆయన వేతనం రూ.4.8 మిలియన్లుగా ఉంది. సీఓఓ యూబీ ప్రవీణ్ రావు వేతనం 29 శాతం పెరిగి 2.3 మిలియన్ డాలర్లు (రూ.17.3 కోట్లు)గా ఉంది.

English summary

Infosys reportedly plans to reduce the number of managers

Infosys is restructuring the company's higher rungs in order to ensure faster decision making and flatten the organisation. The company is looking to reduce the senior roles in a staggered manner.
Story first published: Tuesday, June 2, 2020, 7:20 [IST]
Company Search
Thousands of Goodreturn readers receive our evening newsletter.
Have you subscribed?
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more