IT News: టెక్ ఆర్మీ రూపకల్పనలో ఇన్ఫోసిస్.. దిగ్గజ కంపెనీతో జతకట్టి ఏం చేస్తోందంటే..

IT News: ఇప్పటివరకు లేఆఫ్స్ తో ఉద్యోగులను హడలెత్తించిన టెక్ కంపెనీలు.. ఇప్పుడు సిబ్బంది స్కిల్ అప్‌గ్రెడేషన్‌ పై దృష్టి సారించాయి. దేశీయ IT దిగ్గజం ఇన్ఫోసిస్ తన ఉద్యోగులకు గుడ్‌ న్యూస్ చెప్పింది. లేటెస్ట్ టెక్నాలజీపై ట్రైనింగ్ ఇచ్చేందుకు రెడీ అయింది.

ప్రస్తుతం ఎక్కడ చూసినా ఆర్టిఫిషియల్ ఇంటెలిజెన్స్ రాజ్యమేలుతోంది. వివిధ కంపెనీలు AI వైపు అడుగులేస్తున్న తరుణంలో.. ఇన్ఫోసిస్ కీలక నిర్ణయం తీసుకుంది. తన 50 వేల మంది సిబ్బందికి AI సాంకేతికతపై శిక్షణతో పాటు సర్టిఫికేషన్ ఇవ్వనుంది. ఇందుకోసం NVIDIAతో భాగస్వామ్యం కుదుర్చుకుంది.

'ప్రపంచవ్యాప్తంగా ఉన్న మా క్లయింట్ల అవసరాలకు తగినవిధంగా ఇన్ఫోసిస్ రూపాంతరం చెందుతోంది. సంక్లిష్టమైన AI యూజ్ కేసెస్ ద్వారా వారి వ్యాపార విలువను పెంచేందుకు ఉత్పాదక AI నైపుణ్యాలను అందిపుచ్చుకోవాలని భావిస్తున్నాం' అని ఇన్ఫోసిస్ సహ వ్యవస్థాపకులు నందన్ నీలేకని తెలిపారు. ఇందుకోసం NVIDIA ఉత్పాదక AIపై ఉద్యోగులకు శిక్షణ ఇవ్వనున్నట్లు తెలిపారు.

NVIDIAకు చెందిన AI సాంకేతికతతో మా టెక్నాలజీని కలపడం ద్వారా 50 వేల మంది ఎండ్-టు-ఎండ్ ఇండస్ట్రీ లీడింగ్ AI ఆర్మీని రూపొందించాలని భావిస్తున్నట్లు ఇన్ఫీ ఛైర్మన్ చెప్పారు. ఇదికాస్తా భవిష్యత్తులో ఇన్పీ లాభాలను పెంచడంతో పాటు తమ ఎంటర్‌ప్రైజెస్ వేగమైన అభివృద్ధికి తోడ్పడుతుందని NVIDIA వ్యవస్థాపకులు జెన్సన్ హూవాంగ్ ఆశాభావం వ్యక్తం చేశారు.