ఇన్ఫోసిస్ బెంగళూరు మహిళల వాష్‌రూమ్‌లో అశ్లీల వీడియో కలకలం, ఆంధ్రప్రదేశ్ టెకీ అరెస్ట్..

Andhra Pradesh Techie Arrested at Infosys Bengaluru: ఇన్ఫోసిస్ బెంగళూరు క్యాంపస్‌లో ఒక మహిళను వాష్‌రూమ్‌లో వీడియో తీసిన ఘటన కలకలం రేపింది. కంపెనీ క్యాంపస్ లోని వాష్ రూంలో ఓ ఉద్యోగి తన సహోద్యోగి అయిన మహిళ అశ్లీల వీడియోను రహస్యంగా రికార్డ్ చేసిన ఆరోపణలపై అతనిని పోలీసులు అరెస్టు చేశారు. నిందితుడిని ఆంధ్రప్రదేశ్‌కు చెందిన స్వప్నిల్ నగేష్ మాలి (28) గా గుర్తించారు.ఈ ఘటన తర్వాత ఇన్పోసిస్ ఆ ఎంప్లాయ్ ని జాబ్ నుంచి తొలగించింది. ఇటువంటి వేధింపులను సహించే ప్రసక్తే లేదని.. మహిళల భద్రతే ముఖ్యమని తేల్చి చెప్పింది. ఈ సంఘటన జూన్ 30న చోటు చేసుకోగా ఈ రోజు వెలుగులోకి వచ్చింది.

ఇన్ఫోసిస్‌లో సీనియర్ అసోసియేట్ నగేష్ స్వప్నిల్ ను.. ఒక మహిళా ఉద్యోగి రెడ్ హ్యాండెడ్‌గా పట్టుకున్నారు.ఆమె వాష్ రూంకి వెళ్లినప్పుడు ముందు తలుపు మీద తన నీడను చూసింది. వెంటనే ఎవరో ఏదో చేస్తున్నారని గ్రహించింది. తన పక్కనే ఉన్న మరో వాష్ రూంలో అనుమానాస్పద కదలికలను గుర్తించానని ఆ మహిళ తెలిపింది. ఆ సమయంలో అక్కడ వాష్ రూంలో ఉన్న నగేష్ తనను వీడియో తీస్తున్నట్లుగా ఆమె గుర్తించింది.

దీంతో భయంతో అలర్ట్ అయిన ఆ ఉద్యోగిని ఈ దారుణ ఘటనపై అలారం మోగించింది. వెంటనే అక్కడకు చేరుకున్న ఇతర ఉద్యోగులు మరో వాష్ రూంలో ఉన్న ఆ మేల్ ఉద్యోగిని రెడ్ హ్యాండెడ్ గా పట్టుకున్నారు. అనంతరం అతి మొబైల్ ఫోన్ చెక్ చేయగా అందులో రికార్డ్ చేసిన వీడియో కనిపించింది. అక్కడే అతన్ని పట్టుకుని చితకబాదారు. ఈ న్యూస్ బయటకు రాగానే ఆ బాధితురాలి సమక్షంలోనే హెచ్‌ఆర్ సిబ్బంది ఆ వీడియోని తొలగించారు. ఆ తర్వాత ఈ ఘటనపై ఇన్ఫోసిస్ హెచ్‌ఆర్ సిబ్బంది దర్యాప్తు చేయగా సంచలన విషయాలు వెలుగులోకి వచ్చాయి. అతని ఫోన్‌లో వేర్వేరు మహిళల 30 కి పైగా రికార్డ్ వీడియోలు దొరికాయని దర్యాప్తులో తేలింది.

అయితే బాధితురాలు తన భర్తతో కలిసి ఈ ఘటనపై ఎలక్ట్రానిక్ సిటీ పోలీస్ స్టేషన్‌లో అధికారికంగా ఫిర్యాదు చేసింది. దీంతో నిందితుడిని పోలీసులు అరెస్ట్ చేశారు. నిందితుడు రహస్యంగా ఇంకెవరైనా మహిళలను రికార్డ్ చేశాడా అని కోణంలో వారు దర్యాప్తు చేస్తున్నారు. అతని మొబైల్ ఫోన్‌లో డిలీట్ చేసిన వీడియోల కోసం దాన్ని ఫోరెన్సిక్ ల్యాబ్‌కు పంపారు.

ఈ ఘటనపై ఇన్ఫోసిస్ స్పందించింది. తన అధికారిక ప్రకటనలో ఈ ఘటనపై మేము తక్షణ చర్యలు తీసుకున్నాం. సంబంధిత ఉద్యోగిని కంపెనీ నుండి తొలగించాం. బాధిత మహిళకు పోలీసులకు ఫిర్యాదు చేయడంలో సహకరించాం. మేము హింస, వేధింపులకు ఎట్టి పరిస్థితుల్లోనూ సహించం. ఇలాంటి అంశాల్లో నిషేధ విధానం పాటిస్తామని వెల్లడించింది.