Infosys:ఉద్యోగులకు శుభవార్త చెప్పిన ఇన్ఫోసిస్..

ఐటీలో ప్రతికూల పరిస్థితుల నేపథ్యంలో ప్రపంచవ్యాప్తంగా ఉద్యోగాల తొలగింపు జరుగుతోంది. భారత్‌లో ప్రముఖ ఐటీ కంపెనీలు ఉద్యోగులను తొలగిస్తున్నాయి. ఆర్టిఫిషియల్ ఇంటెలిజెన్స్ (AI) ఉద్యోగాలపై ప్రతికూల ప్రభావం చూపుతోందని అంచనా వేస్తున్నారు. ఇన్ఫోసిస్ లో కూడా ఉద్యోగాల తొలగింపు ఉంటుందని వార్తలు వచ్చాయి. ఈ నేపథ్యంలో ఇన్ఫోసిస్ తన సిబ్బందికి ఊపిరి పీల్చుకునే అవకాశం కల్పించింది. ఇన్ఫోసిస్ సీఈవో సలీల్ పరేఖ్ ఉద్యోగుల తొలగింపులు, ఉద్యోగాల విషయంలో కంపెనీ వైఖరిని స్పష్టం ప్రకటన చేశారు.

ఇన్ఫోసిస్ లో ఎలాంటి రిట్రెంచ్‌మెంట్ ఉండదని సలీల్ పరేఖ్ తెలిపారు. ఇన్ఫోసిస్ ఉద్యోగాలను తగ్గించే ఆలోచన చేయడం లేదని సలీల్ పరేఖ్ CNBC TV 18కి చెప్పారు. ఏఐ కారణంగా మేము ఎవరినీ తొలగించబోమన్నారు. పరిశ్రమలోని చాలా కంపెనీలు ఇలాంటి కఠిన చర్యలు తీసుకున్నాయని సలీల్ పరేఖ్ చెప్పారు. అయితే మనం ఇలాంటివి చేయబోమని మా ఆలోచన స్పష్టంగా ఉంది. ఐటీ పరిశ్రమలోని చాలా కంపెనీలు ఏఐని స్వీకరించడం ద్వారా పెద్ద సంఖ్యలో తొలగింపులను చేశాయి. నాలుగో త్రైమాసికంలో ఉద్యోగుల సగటు చెల్లింపులను ఇన్ఫోసిస్ తగ్గించిందని ఇటీవల పేర్కొంది.

పెద్ద కంపెనీల్లో ఒకేసారి అనేక రకాల టెక్నాలజీలకు సంబంధించిన పనులు చేయవచ్చని ఇన్ఫోసిస్ సీఈవో తెలిపారు. రాబోయే సంవత్సరాల్లో ఇన్ఫోసిస్ హైరింగ్, ట్రైనింగ్ ద్వారా జెనరిక్ AIలో నైపుణ్యాలను అభివృద్ధి చేయడాన్ని కొనసాగిస్తుందని ఆయన అంచనా వేశారు. దీని కారణంగా, ఇన్ఫోసిస్ ప్రపంచ కంపెనీల అన్ని రకాల డిమాండ్లను తీర్చగల సామర్థ్యాన్ని కలిగి ఉంటుందన్నారు. సాంకేతిక పరిజ్ఞానాన్ని అభివృద్ధి చేయడం వల్ల ఉద్యోగాల తొలగింపుకు బదులు కొత్త అవకాశాలు వస్తాయని అన్నారు.

అయితే ప్రస్తుతం మేము నియామక లక్ష్యాన్ని నిర్ణయించుకోలేదని సలీల్ పరేఖ్ చెప్పారు. అయితే ఇన్ఫోసిస్‌లో నియామకాలు కొనసాగడం ఖాయమన్నారు.
ఇన్ఫోసిస్ ఇటీవల తన ఉద్యోగులకు పనితీరు బోనస్‌ను జారీ ఇచ్చింది. ఈ త్రైమాసికంలో సగటు చెల్లింపు గత త్రైమాసికంతో పోలిస్తే 60 శాతం పడిపోయింది. అక్టోబర్-డిసెంబర్ త్రైమాసికంలో ఈ సంఖ్య 73 శాతంగా ఉంది.