హైదరాబాద్‌లో సరికొత్త సేవలు, ఈ ట్యాక్సీ కోసం మీరు బేరమాడవచ్చు

ట్యాక్సీ బుకింగ్ రైడ్ యాప్ InDriver హైదరాబాదులో తన సేవలు ప్రారంభించింది. ట్యాక్సీని బుక్ చేసుకోవడానికి ముందు రియల్ టైమ్‌లో ధరలపై బేరం ఆడేందుకు వీలు కల్పిస్తోంది ఈ యాప్. రియల్ టైమ్ ధరలపై బేరమాడేందుకు వీలు కల్పిస్తున్న ఏకైక సంస్థ తమదేనని ఈ కంపెనీ తెలిపింది.

ఎంపిక చేసిన మార్గాల్లో ప్రయాణీకులు తాము చెల్లించేందుకు ఇష్టపడుతున్న ఛార్జీని సూచిస్తే సమీపంలోని డ్రైవర్లకు ఆ సమాచారం వెళ్తుంది. ఆ తర్వాత ప్రయాణీకుడు, డ్రైవర్.. ఇద్దరికీ ఆమోదయోగ్య ఛార్జీకి ప్రయాణం చేయవచ్చు. ఇలాంటి సేవలు అందిస్తున్న మొదటి సంస్థ ఇదే కావడం గమనార్హం.

మినిమం బేస్ ధర రూ.40గా ఉంది. InDriver యాప్‌ను ప్రపంచవ్యాప్తంగా 26 దేశాల్లో 300 నగరాల్లో 32 మిలియన్ యూజర్లు ఉపయోగిస్తున్నారు. తాజాగా సోమవారం (25 నవంబర్) హైదరాబాదులో తన సేవలు ప్రారంభించింది. భారత్‌లో ఇప్పటికే చండీగఢ్, భోపాల్, లక్నో, లుధియానాలో ఈ సర్వీసులు ఉన్నాయి. హైదరాబాద్ ఐదో నగరం.