ముందే ప్రేమికుల రోజు సంబరాలు: రూ.999కే ఇండిగో బంపరాఫర్
ప్రముఖ విమానయాన సంస్థ ఇండిగో ఎయిర్లైన్స్ ప్రేమికుల రోజును పురస్కరించుకొని సూపర్ ఆఫర్ను ప్రకటించింది. వాలంటైన్ డే సేల్ పేరుతో నాలుగు రోజుల పాటు తక్కువ ధరకు విమాన టిక్కెట్లను విక్రయిస్తోంది. ప్రేమికుల దినోత్సవం సందర్భంగా ఇండిగో ఈ ప్రత్యేక ఆఫర్ను ఇచ్చింది.
చైనాలో తెరుచుకుంటున్న కంపెనీలు, తగ్గుతున్న బంగారం ధర
ప్రారంభ టిక్కెట్ ధర రూ.999
అన్ని ట్యాక్స్లు కలుపుకొని విమాన టిక్కెట్టు ప్రారంభ ధరని రూ.999గా నిర్ణయించింది. నాలుగు రోజుల పాటు దీనిని విక్రయిస్తుంది. ఈ నెల 14వ తేదీ లోపు అమలులో ఈ ఆఫర్ ఉంటుంది. ఈ ఆఫర్ కింద పది లక్షల సీట్లను కేటాయించింది. ఈ ఆఫర్ కింద బుకింగ్ చేసుకున్న ప్రయాణికులు మార్చి 1వ తేదీ నుంచి సెప్టెంబర్ 30వ తేదీ లోగా ప్రయాణించాలి.
మరో మూడ్రోజులే
ఫిబ్రవరి 11వ తేదీన ప్రారంభమైన ఈ ఆఫర్ వాలంటైన్ డే రోజున ముగుస్తుంది. మరో మూడు రోజుల సమయం మాత్రమే ఉంది. మార్చి 1 నుంచి సెప్టెంబర్ 30 వరకు ఒక నగరం నుంచి మరో నగరానికి టిక్కెట్ బుక్ చేసుకొని ప్రయాణించవచ్చు.
ముందే ప్రేమికుల రోజు సంబరాలు
ప్రేమికుల రోజు వేడుకలను పురస్కరించుకొని ఈ నాలుగు రోజుల పాటు ప్రత్యేక సేల్ను అందుబాటులోకి తెచ్చామని, ఇది తమకు ఎంతో సంతోషకరమని, దీంతో ప్రేమికల రోజు సంబరాలను తాము ముందుగానే ప్రారంభించామని ఇండిగో చీఫ్ కమర్షియల్ ఆఫీసర్ విలియమ్ బౌల్టర్ అన్నారు. కార్పోరేట్ కస్టమర్లతో పాటు విహారయాత్రలకు వెళ్లే ప్రయాణీకులు ఎవరైనా తమ అధికార వెబ్ సైట్ ద్వారా టిక్కెట్లు బుక్ చేసుకోవచ్చునని తెలిపారు.