Indigo: చరిత్ర సృష్టించిన ఇండిగో ఎయిర్‌లైన్స్.. ఈ ఫీట్ సాధించిన తొలి దేశీయ సంస్థగా రికార్డ్

Indigo: దేశీయ విమానయాన రంగం దినదినాభివృద్ధి చెందుతోంది. అందుకు తగిన విధంగా ఎయిర్ లైన్స్ సంస్థలు తమ ఫ్లైట్స్ మరియు రూట్ల సంఖ్యను పెంచుకుంటున్నాయి. తాజాగా ప్రముఖ ఎయిర్ లైన్స్ సంస్థ ఇండిగో ఓ రికార్డు క్రియేట్ చేసింది. భారత విమానయాన రంగంలో చరిత్ర సృష్టించింది.

రోజుకు 2 వేలకు పైగా ప్రణాళికాబద్ధమై విమానాలను నడిపి ఇండిగో కొత్త మైలురాయిని నెలకొల్పింది. తద్వారా దేశంలో ఈ ఘనత సాధించిన మొదటి ఎయిర్‌లైన్‌గా నిలిచింది. అక్టోబర్ 2023కి సంబంధించిన OAG డేటా ప్రకారం.. ఫ్రీక్వెన్సీ మరియు సీట్ కెపాసిటీ రెండింటిలోనూ ప్రపంచవ్యాప్తంగా ఉన్న టాప్ 10 ఎయిర్‌లైన్స్‌లో ఇండిగో చోటు దక్కించుకుంది.

'ఇండిగో ఇప్పుడు 2 వేలకు పైగా రోజువారీ షెడ్యూల్డ్ విమానాలను కలిగి ఉంది. ఇందులో కార్గో ఆపరేషన్స్, CAPF & ఆర్మీ చార్టర్లు కూడా ఉన్నాయి. 2006లో తిరిగి కార్యకలాపాలు ప్రారంభించినప్పటి నుంచి కేవలం 17 ఏళ్లలోనే ఎయిర్‌లైన్ ఈ ఫీట్ సాధించింది. ఆపరేషనల్ సామర్థ్యం, ​​విశ్వసనీయత, కస్టమర్ ఓరియంటేషన్ లో కొత్త బెంచ్‌మార్క్‌లను క్రియేట్ చేసింది' అని ఎయిర్‌లైన్ CEO పీటర్ ఎల్బర్స్ పేర్కొన్నారు.

ఈ ఘతన కేవలం సంఖ్యాపరమైన ఫీట్ మాత్రమే కాదన్నారు. కనెక్టివిటీతో పాటు ప్రయాణీకుల అనుభవాన్ని మరింత మెరుగుపరచేందుకు తమకు అవకాశం కల్పించే వ్యూహాత్మక ఘనతగా భావిస్తున్నట్లు చెప్పారు. దేశ ప్రజలను, వారి ఆకాంక్షలను అనుసంధానించాలనే తమ మిషన్‌ పట్ల నిబద్ధతతో పనిచేస్తున్నట్లు వెల్లడించారు.