నష్టాల్లో స్టాక్ మార్కెట్లు: ఒత్తిడిలో మెటల్, బ్యాంకింగ్ స్టాక్స్

ముంబై: స్టాక్ మార్కెట్లు మంగళవారం (జూన్ 8) లాభాల్లో ట్రేడింగ్ ప్రారంభించాయి. అమెరికా మార్కెట్లు సోమవారం మిశ్రమంగా ముగిశాయి. ఆసియా మార్కెట్లు లాభాలతో ప్రారంభమయ్యాయి. సెన్సెక్స్, నిఫ్టీ ఆల్ టైమ్ గరిష్టానికి చేరుకున్న నేపథ్యంలో ఇన్వెస్టర్లు లాభాలకు స్వీకరణకు మొగ్గుచూపుతున్నట్లుగా కనిపిస్తోంది. సెన్సెక్స్ 30 సూచీలో ఐటీ, ఆటో స్టాక్స్ లాభాల్లో ఉండగా, బ్యాంకింగ్ స్టాక్స్ నష్టాల్లో ట్రేడ్ అయ్యాయి. మెటల్, పీఎస్‌యూ బ్యాంకింగ్ స్టాక్స్ దాదాపు రెండు శాతం, ఐటీ సూచీ ఒక శాతం మేర లాభపడింది.

లాభాల్లో సెన్సెక్స్

సెన్సెక్స్ నేడు 52,428.72 పాయింట్ల వద్ద ప్రారంభమై, 52,432.43 పాయింట్ల వద్ద గరిష్టాన్ని, 52,135.04 పాయింట్ల వద్ద కనిష్టాన్ని తాకింది. సెన్సెక్స్ మధ్యాహ్నం గం.12.30 సమయానికి 106.35 (0.20%) పాయింట్లు క్షీణించి 52,224.82 పాయింట్ల వద్ద కదలాడింది. నిఫ్టీ 15,773.90 పాయింట్ల వద్ద ప్రారంభమై, 15,778.80వద్ద గరిష్టాన్ని, 15,680.00 వద్ద కనిష్టాన్ని తాకింది. నిఫ్టీ మధ్యాహ్నం సమయానికి 33.90 (0.22%) 81.40 (0.52%) పాయింట్లు లాభపడి 15,717.75 పాయింట్ల వద్ద ముగిసింది.

టాప్ గెయినర్స్, లూజర్స్

నేటి టాప్ గెయినర్స్ జాబితాలో బ్రిటానియా 2.17 శాతం, HCL టెక్ 1.99 శాతం, టాటా కన్స్యూమర్ ప్రోడక్ట్స్ 1.85 శాతం, టెక్ మహీంద్రా 1.81 శాతం,

ఇన్ఫోసిస్ 1.79 శాతం, లాభపడ్డాయి.

టాప్ లూజర్స్ జాబితాలో హిండాల్కో 2.49 శాతం, టాటా స్టీల్ 1.90 శాతం, JSW స్టీల్ 1.60 శాతం, ఎస్బీఐ 1.45 శాతం, ఐసీఐసీఐ బ్యాంకు 1.33 శాతం నష్టపోయాయి.

మోస్ట్ యాక్టివ్ స్టాక్స్‌లో అదానీ పోర్ట్స్, బజాజ్ ఫిన్ సర్వ్, టాటా స్టీల్, ఇన్ఫోసిస్, ఎస్బీఐ ఉన్నాయి.

రంగాలవారీగా..

నిఫ్టీ 50 స్టాక్స్ 0.18 శాతం నష్టపోగా, నిఫ్టీ మిడ్ క్యాప్ 0.04 శాతం లాభపడ్డాయి. నిఫ్టీ ఆటో 0.42 శాతం, నిఫ్టీ ఎఫ్ఎంసీజీ 0.50 శాతం, నిఫ్టీ ఐటీ 1.34 శాతం, నిఫ్టీ మీడియా 0.74 శాతం, నిఫ్టీ రియాల్టీ 0.48 శాతం లాభపడ్డాయి. నిఫ్టీ బ్యాంకు 1.06 శాతం, నిఫ్టీ ఎనర్జీ 0.16 శాతం, నిఫ్టీ ఫైనాన్షియల్ సర్వీసెస్ 0.76 శాతం, నిఫ్టీ మెటల్ 1.16 శాతం, నిఫ్టీ ఫార్మా 0.07 శాతం, నిఫ్టీ PSU బ్యాంకు 1.06 శాతం, నిఫ్టీ ప్రయివేటు బ్యాంకు 1.00 శాతం నష్టపోయాయి.