కరోనా కేసులు, వ్యాక్సీన్ ఎఫెక్ట్: భారీ లాభాల్లో స్టాక్ మార్కెట్లు, కీలక రంగాలు జూమ్

ముంబై: దేశీయ స్టాక్ మార్కెట్లు భారీ లాభాల్లో ట్రేడింగ్ ప్రారంభించాయి. సూచీలు ఉదయం కాసేపు నష్టాల్లోకి వెళ్లినప్పటికీ అంతలోనే ప్రారంభానికి మించి పైకి లేచాయి. ఉదయం గం.11 సమయానికి సెన్సెక్స్ 200 పాయింట్లు, నిఫ్టీ 50 పాయింట్ల మేర లాభంతో కదలాడింది. దేశంలో కరోనా కేసులు తగ్గుముఖం పట్టడం, వ్యాక్సీన్ ఉత్పత్తి పెంచే ప్రయత్నాలు వేగవంతం కావడంతో మార్కెట్లో సానుకూల సెంటిమెంట్ పెరిగింది. కీలక రంగాల్లోని షేర్లు లాభాల్లో ఉన్నాయి. డాలర్ మారకంతో రూపాయి రూ.72.3 వద్ద ట్రేడ్ అయింది.

భారీ లాభాల్లో..

సెన్సెక్స్ నేడు 50,727.28 పాయింట్ల వద్ద ప్రారంభమై, 50,855.32 పాయింట్ల వద్ద గరిష్టాన్ని, 50,465.90 పాయింట్ల వద్ద కనిష్టాన్ని తాకింది. సెన్సెక్స్ నేడు ఉదయం గం.11.15 సమయానికి 231.56 (0.46%) పాయింట్లు ఎగిసి 50,772.30 పాయింట్ల వద్ద ట్రేడ్ అయింది. నిఫ్టీ 15,211.35 పాయింట్ల వద్ద ప్రారంభమై, 15,251.90 వద్ద గరిష్టాన్ని, 15,145.45 వద్ద కనిష్టాన్ని తాకింది. నిఫ్టీ గం.11.15 సమయానికి +45.25 (0.30%) పాయింట్లు ఎగిసి 15,220.50 పాయింట్ల వద్ద ట్రేడ్ అయింది.

టాప్ గెయినర్స్, లూజర్స్

నేడు ఉదయం సమయానికి టాప్ గెయినర్స్ జాబితాలో SBI 3.02 శాతం, పవర్ గ్రిడ్ కార్పోరేషన్ 2.30 శాతం, హీరో మోటో కార్ప్ 2.22 శాతం, మారుతీ సుజుకీ 2.13 శాతం, ఐవోసీ 2.16 శాతం లాభపడ్డాయి.

టాప్ లూజర్స్ జాబితాలో JSW స్టీల్స్ 3.54 శాతం, శ్రీసిమెంట్స్ 2.88 శాతం, టాటా స్టీల్ 2.53 శాతం, టైటాన్ కంపెనీ 1.77 శాతం, గ్రాసీమ్ 1.16 శాతం నష్టపోయాయి.

మోస్ట్ యాక్టివ్ స్టాక్స్‌లో ఎస్బీఐ, టాటా స్టీల్, JSW స్టీల్, HDFC బ్యాంకు, ICICI బ్యాంకు ఉన్నాయి.

రంగాలవారీగా..

నిఫ్టీ 50 స్టాక్స్ 0.32 శాతం, నిఫ్టీ మిడ్ క్యాప్ 0.58 శాతం లాభపడ్డాయి. నిఫ్టీ ఆటో 0.65 శాతం, నిఫ్టీ బ్యాంకు 0.90 శాతం, నిఫ్టీ ఎనర్జీ 0.95 శాతం, నిఫ్టీ ఫైనాన్షియల్ సర్వీసెస్ 0.79 శాతం, నిఫ్టీ ఐటీ 0.64 శాతం, నిఫ్టీ మీడియా 1.42 శాతం, నిఫ్టీ ఫార్మా 0.55 శాతం, నిఫ్టీ పీఎస్‌యూ బ్యాంకు 2.67 శాతం, నిఫ్టీ రియాల్టీ 1.23 శాతం, నిఫ్టీ ప్రయివేటు బ్యాంకు 0.65 శాతం లాభపడ్డాయి. నిఫ్టీ ఎఫ్ఎంసీజీ 0.40 శాతం, నిఫ్టీ మెటల్ 1.46 శాతం నష్టపోయాయి.