IT Stocks: భారీగా పతనమవుతున్న టీసీఎస్, ఇన్ఫోసిస్ స్టాక్స్.. ఎందుకంటే..

అమెరికాలో పెరుగుతోన్న ద్రవ్యోల్బణం కారణంగా భారత్ ఐటీ కంపెనీలు ఒత్తిడి ఎదుర్కొంటున్నారు. ముఖ్యంగా టాటా కన్సల్టెన్సీ సర్వీసెస్ (TCS), ఇన్ఫోసిస్‌పై ఒత్తిడి అధికంగా ఉంది. టాప్-10 అత్యంత విలువైన సంస్థల్లో ఆరు గత వారం మార్కెట్ లో రూ. 2,00,280.75 కోట్ల నష్టాన్ని చవిచూశాయి. గత వారం, సెన్సెక్స్ 952.35 పాయింట్లు లేదా 1.59 శాతం పడిపోయింది.

TCS

రిలయన్స్ ఇండస్ట్రీస్, టిసిఎస్, హెచ్‌డిఎఫ్‌సి బ్యాంక్, హిందుస్థాన్ యూనిలీవర్, ఇన్ఫోసిస్, హెచ్‌డిఎఫ్‌సిలు వాటి వాల్యుయేషన్‌లో కోతను చవిచూడగా, ఐసిఐసిఐ బ్యాంక్, స్టేట్ బ్యాంక్ ఆఫ్ ఇండియా, అదానీ ట్రాన్స్‌మిషన్ మరియు బజాజ్ ఫైనాన్స్ లాభపడ్డాయి. TCS మార్కెట్ విలువ రూ.76,346.11 కోట్లు తగ్గి రూ.11,00,880.49 కోట్లకు చేరుకుంది.

ఇన్ఫోసిస్

ఇన్ఫోసిస్ రూ. 5,80,312.32 కోట్ల వద్ద కొనసాగిన దాని వాల్యుయేషన్ నుంచి రూ.55,831.53 కోట్లు పడిపోయింది. రిలయన్స్ ఇండస్ట్రీస్ మార్కెట్ క్యాపిటలైజేషన్ (ఎంక్యాప్) రూ.46,852.27 కోట్లు క్షీణించి రూ.16,90,865.41 కోట్లకు, హిందుస్థాన్ యూనిలీవర్ రూ.14,015.31 కోట్లు తగ్గి రూ.5,94,058.91 కోట్లకు చేరుకుంది.

SBI

హెచ్‌డిఎఫ్‌సి విలువ రూ.4,620.81 కోట్లు తగ్గి రూ.4,36,880.78 కోట్లకు చేరగా, హెచ్‌డిఎఫ్‌సి బ్యాంక్ విలువ రూ.2,614.72 కోట్లు తగ్గి రూ.8,31,239.46 కోట్లకు చేరుకుంది. అదానీ ట్రాన్స్‌మిషన్ రూ. 17,719.6 కోట్లను జోడించి దాని విలువను రూ. 4,56,292.28 కోట్లకు చేర్చింది. స్టేట్ బ్యాంక్ ఆఫ్ ఇండియా ఎమ్‌క్యాప్ రూ.7,273.55 కోట్లు పెరిగి రూ.5,01,206.19 కోట్లకు చేరుకుంది.

రిలయన్స్ ఇండస్ట్రీస్

బజాజ్ ఫైనాన్స్ విలువ రూ.6,435.71 కోట్లు పెరిగి రూ.4,41,348.83 కోట్లకు చేరుకోగా, ఐసీఐసీఐ బ్యాంక్ రూ.5,286.92 కోట్లతో రూ.6,33,110.48 కోట్లకు చేరుకుంది. అత్యంత విలువైన సంస్థల ర్యాంకింగ్‌లో, రిలయన్స్ ఇండస్ట్రీస్ ప్యాక్‌లో అగ్రస్థానంలో ఉన్నాయి. TCS, HDFC బ్యాంక్, ICICI బ్యాంక్, హిందుస్తాన్ యూనిలీవర్, ఇన్ఫోసిస్, స్టేట్ బ్యాంక్ ఆఫ్ ఇండియా, అదానీ ట్రాన్స్‌మిషన్, బజాజ్ ఫైనాన్స్ మరియు HDFC తర్వాతి స్థానాల్లో ఉన్నాయి.