Best Whisky: వరల్డ్ బెస్ట్ విస్కీగా మన ఇండియన్ బ్రాండ్.. ఇది చాలా కాస్ట్లీ గురూ..

Best Whisky: నిత్యజీవితంలో మనం పలు రకాల పోటీలు, తదనంతర అవార్డులు గురించి వింటూ ఉంటాం. కానీ మందుబాబుల ఫేవరెట్.. విస్కీల కాంపిటీషన్ గురించి తెలుసా..? అవునండీ.. ప్రపంచవ్యాప్తంగా జరిగిన ఈ పోటీల్లో మన దేశపు విస్కీనే నంబర్ 1 స్థానంలో నిలిచింది కూడా..

ప్రపంచ ప్రఖ్యాతి గాంచిన స్కాచ్, బోర్బన్, కెనడియన్, ఆస్ట్రేలియన్, బ్రిటీష్ సింగిల్ మాల్ట్ విస్కీలతో పోటీపడి మన బ్రాండ్ ఉత్తమ విస్కీగా చోటు దక్కించుకుంది. పలు అంతర్జాతీయ బ్రాండ్లను ఓడించి మరీ రారాజుగా నిలిచింది. తద్వారా 'వరల్డ్ బెస్ట్ విస్కీ' టైటిల్ కొట్టేసింది.

'ఇంద్రి దీపావళి కలెక్టర్స్ ఎడిషన్ 2023'లో భాగంగా వందలాది అంతర్జాతీయ విస్కీ బ్రాండ్‌ లు టైటిల్ కోసం పోటీపడ్డాయి. ఎట్టకేలకు ఇంద్రి సింగిల్ మాల్ట్ ఇండియన్ విస్కీ ట్రోఫీని సొంతం చేసుకుంది. కాగా 750ml విస్కీ ధర గురుగ్రామ్ లో 3 వేల 940 పలుకుతుండగా.. ముంబైలో అయితే ఏకంగా 5 వేల వరకు ఉంది.

హిమాలయాల దిగువన ఈ విస్కీని ఉత్పత్తి చేస్తున్నట్లు నిర్వాహకులు చెబుతున్నారు. ఆరు దశల్లో ఎంపిక చేసిన రాజస్థాన్‌ బార్లీ మరియు తాజా యమునా నది నీటిని దీని తయారీలో ఉపయోగిస్తారట. తద్వారా క్రమేపీ దీనికి ముదురు కాషాయం రంగుతో పాటు మంచి తీపి, ఎండుద్రాక్ష సువాసనలు వస్తాయని చెబుతున్నారు.