Stock Market: కొనసాగుతున్న మార్కెట్ ఓలటాలిటీ.. నిరుత్సాహంగా బ్యాంకింగ్ స్టాక్స్..

Market Opening: దేశీయ స్టాక్ మార్కెట్లు నిన్నటి నష్టాల నుంచి తేరుకున్నప్పటికీ స్వల్ప ఊగిసలాట కొనసాగుతూనే ఉంది. ప్రారంభంతో లాభాలు నమోదైనప్పటీకీ కొన్ని నిమిషాల్లోనే కీలక సూచీలు ఫ్లాట్ ట్రేడింగ్ కి జారుకున్నాయి.

ఉదయం 9.19 గంటల సమయంలో బెంచ్ మార్క్ సూచీ సెన్సెక్స్ 58 పాయింట్ల నష్టంలో ట్రేడింగ్ కొనసాగిస్తుండగా.. మరో కీలక సూచీ నిఫ్టీ 14 పాయింట్లు కోల్పోయి ముందుకు సాగుతోంది. ఇదే క్రమంలో నిఫ్టీ బ్యాంక్ సూచీ 169 పాయింట్లు నష్టపోగా.. కేవలం నిఫ్టీ మిడ్ క్యాప్ సూచీ మాత్రం 58 పాయింట్ల మేర లాభంతో లాభంలో ముందుకు సాగుతోంది. ఈ క్రమంలో ప్రదానంగా ఇండస్ఇండ్ బ్యాంక్, యెస్ బ్యాంక్, ఎయిర్ టెల్ కంపెనీల షేర్లు ఫోకస్‌లో కొనసాగుతున్నాయి.

ఎన్ఎస్ఈలో హెచ్సీఎల్ టెక్, ఎయిర్ టెల్, డాక్టర్ రెడ్డీస్, టీసీఎస్, మారుతీ, అల్ట్రాటెక్ సిమెంట్, బజాజ్ ఆటో, హెచ్డీఎఫ్సీ లైఫ్, అపోలో హాస్పిటల్స్, టాటా మోటార్స్, సిప్లా, విప్రో, మహీంద్రా అండ్ మహీంద్రా, దివీస్ ల్యాబ్, ఎల్ టి, సన్ ఫార్మా, ఐషర్ మోటార్స్, హిందుస్థాన్ యూనీలివర్, నెస్లే, హీరో మోటార్స్ కంపెనీల షేర్లు లాభాలతో టాప్ గెయినర్లుగా కొనసాగుతున్నాయి.

ఇదే క్రమంలో పవర్ గ్రిడ్, హిందాల్కొ, బ్రిటానియా, జేఎస్డబ్ల్యూ స్టీల్, ఎన్టీపీసీ, రిలయన్స్, కోటక్ బ్యాంక్, యాక్సిస్ బ్యాంక్, ఓఎన్జీసీ, నెస్లే, ఐసీఐసీఐ బ్యాంక్, యూపీఎల్, గ్రాసిమ్, టైటాన్, హెచ్డీఎఫ్సీ బ్యాంక్, ఏషియన్ పెయింట్స్, బీపీసీఎల్, బజాజ్ ఫిన్ సర్వ్, టాటా స్టీల్, బజాజ్ ఫైనాన్స్ కంపెనీల షేర్లు నష్టాల్లో టాప్ లూజర్లుగా కొనసాగుతున్నాయి.