Stock Market: నష్టాల్లో ప్రారంభమైన మార్కెట్లు.. కనిష్ఠాల్లో ఆసియా మార్కెట్లు..

Market Opening: దేశీయ స్టాక్ మార్కెట్లను వరుస నష్టాలు ఆవరించాయి. అమెరికాతో పాటు ఆసియా మార్కెట్లు ప్రతికూలంగా కొనసాగుతున్నాయి.

ఉదయం 9.24 గంటల సమయంలో బెంచ్ మార్క్ సూచీ సెన్సెక్స్ 137 పాయింట్ల నష్టంలో ట్రేడవుతుండగా.. మరో కీలక సూచీ నిఫ్టీ 44 పాయింట్లను కోల్పోయింది. ఇదే క్రమంలో నిఫ్టీ బ్యాంక్ సూచీ 73 పాయింట్లు, నిఫ్టీ మిడ్ క్యాప్ 44 పాయింట్ల నష్టాలతో కొనసాగుతున్నాయి. ఇదే క్రమంలో ఆసియా మార్కెట్లు 11 నెలల కనిష్ఠాల వద్ద ట్రేడింగ్ కొనసాగిస్తున్నాయి. గ్లోబల్ మార్కెట్ల ప్రభావం దేశీయ స్టాక్ మార్కెట్లపై కనిపిస్తోంది.

ఎన్ఎస్ఈలో అదానీ ఎంటర్ ప్రైజెస్, అదానీ పోర్ట్స్, టాటా మోటార్స్, నెస్లే, ఇండస్ఇండ్ బ్యాంక్, అల్ట్రాటెక్ సిమెంట్స్, బజాజ్ ఆటో, ఎల్ టిఐఎమ్, హెచ్సీఎల్ టెక్నాలజీస్, మహీంద్రా అండ్ మహీంద్రా, రిలయన్స్, టీసీఎస్, కోల్ ఇండియా, మారుతీ కంపనీల షేర్లు లాభాల్లో ట్రేడింగ్ కొనసాగిస్తూ టాప్ గెయినర్లుగా నిలిచాయి.

ఇదే క్రమంలో హిందుస్థాన్ యూనీలివర్, దివీ ల్యాబ్స్, ఐటీసీ, డాక్టర్ రెడ్డీస్, పవర్ గ్రిడ్, బజాజ్ ఫైనాన్స్, అపోలో హాస్పిటల్స్, సిప్లా, ఐషర్ మోటార్స్, బజాజ్ ఫిన్ సర్వ్, హెచ్డీఎఫ్సీ లైఫ్, ఏషియన్ పెయింట్స్, బీపీసీఎల్, ఎస్బీఐ లైఫ్, ఎల్ టి, యూపీఎల్, బ్రిటానియా, టాటా స్టీల్, ఐసీఐసీఐ బ్యాంక్, హీరో మోటార్స్ కంపెనీల షేర్లు నష్టాల్లో ట్రేడింగ్ కొనసాగిస్తున్నాయి.