Market Crash: నష్టాలతో మెుదలైన స్టాక్ మార్కెట్లు.. అంతర్జాతీయ మార్కెట్ల ప్రభావంతో..

Market Crash: నెల చివరి రోజును దేశీయ స్టాక్ మార్కెట్లు భారీ నష్టాలతో ప్రారంభించాయి. ప్రధానంగా అంతర్జాతీయ మార్కెట్ల ప్రభావం దీనికి కారణంగా నిలిచింది. ఆసియా మార్కెట్లు సైతం నష్టాల్లో కొనసాగుతున్నాయి.

ఉదయం 9.20 గంటల సమయంలో దేశీయ స్టాక్ మార్కెట్లలో బెంచ్ మార్క్ సూచీ సెన్సెక్స్ 252 పాయింట్లు నష్టాల్లో కొనసాగుతుండగా.. మరో కీలక సూచీ నిఫ్టీ 70 పాయింట్ల మేర నష్టాల్లో ట్రేడవుతోంది. ఇదే క్రమంలో నిఫ్టీ బ్యాంక్ సూచీ 240 పాయింట్లు, నిఫ్టీ మిడ్ క్యాప్ 50 పాయింట్ల మేర నష్టపోయాయి.

ఈ క్రమంలో ఎన్ఎస్ఈలో అపోలో హాస్పిటల్స్, హెచ్డీఎఫ్సీ లైఫ్, టాటా మోటార్స్, ఏషియన్ పెయింట్స్, హెచ్సీఎల్ టెక్నాలజీస్, భారతీ ఎయిర్ టెల్, ఐషర్ మోటార్స్, సన్ ఫార్మా, టెక్ మహీంద్రా, ఎస్బీఐ లైఫ్, దివీస్ ల్యాబ్స్, బజాజ్ ఆటో, బీపీసీఎల్, నెస్లే, టైటాన్, బ్రిటానియా, సిప్లా, గ్రాసిమ్ కంపెనీల షేర్లు లాభాల్లో కొనసాగుతూ టాప్ గెయినర్లుగా నిలిచాయి.

ఏదే క్రమంలో అదానీ ఎంటర్ ప్రైజెస్, ఓఎన్జీసీ, హిందాల్కొ, కోల్ ఇండియా, జేఎస్డబ్ల్యూ స్టీల్, రిలయన్స్, టాటా స్టీల్, బజాజ్ ఫిన్ సర్వ్, ఐటీసీ, అదానీ పోర్ట్స్, హెచ్డీఎఫ్సీ, ఎన్టీపీసీ, ఇండస్ ఇండ్ బ్యాంక్, మహీంద్రా అండ్ మహీంద్రా, యాక్సిస్ బ్యాంక్, హెచ్డీఎఫ్సీ బ్యాంక్, మారుతీ, హిందుస్థాన్ యూనీలివర్, ఎల్ టి, డాక్టర్ రెడ్డీస్ కంపెనీల షేర్లు నష్టాల్లో కొనసాగుతూ టాప్ లూజర్లుగా ఉన్నాయి.