Stock Market: నష్టాల్లో ప్రారంభమైన స్టాక్ మార్కెట్లు.. పూర్తిగా ఒడిదొడుకుల్లో..

Stock Market: నెల చివరి వారం ప్రారంభంలోనే దేశీయ స్టాక్ మార్కెట్ సూచీలు నష్టాలతో తమ ప్రయాణాన్ని మెుదలు పెట్టాయి. రూ.4,000 కోట్లతో ఐపీవోను తీసుకురావాలనే నిర్ణయాన్ని ఫ్యాబ్ ఇండియా సంస్థ ప్రస్తుతానికి రద్దు చేసుకుంది.

మార్కెట్ సూచీలు..

ఉదయం 9.17 గంటల సమయంలో బెంచ్ మార్క్ సూచీ సెన్సెక్స్ 258 పాయింట్లు నష్టపోగా, మరో సూచీ నిఫ్టీ 76 పాయింట్లు, నిఫ్టీ బ్యాంక్ సూచీ 75 పాయింట్లు, నిఫ్టీ మిడ్ క్యాప్ 126 పాయింట్ల నష్టంలో కొనసాగుతున్నాయి. సమయం గడుస్తున్న కొద్దీ మార్కెట్ల నష్టాలు పెరుగుతూనే ఉన్నాయి.

టాప్ గెయినర్స్..

NSE సూచీలో ఎన్టీపీసీ, అదానీ పోర్ట్స్, టైటాన్, బ్రిటానియా, బజాజ్ ఫిన్ సర్వ్, ఏషియన్ పెయింట్స్, సిప్లా, గ్రాసిమ్, టాటా కన్జూమర్, నెస్లే, అపోలో హాస్పిటల్స్, స్టేట్ బ్యాంక్ ఆఫ్ ఇండియా, పవర్ గ్రిడ్ కంపెనీల షేర్లు లాభాల్లో కొనసాగుతూ టాప్ గెయినర్స్ గా ఉన్నాయి.

టాప్ లూజర్స్..

ఇదే సమయంలో బజాజ్ ఆటో, అదానీ ఎంటర్ ప్రైజెస్, ఇన్ఫోసిస్, భారతీ ఎయిర్ టెల్, హిందాల్కొ, టెక్ మహీంద్రా, యూపీఎల్, హీరో మోటార్స్, టాటా మోటార్స్, హెచ్సీఎల్ టెక్నాలజీస్, టీసీఎస్, జేఎస్టడ్ల్యూ స్టీల్, టాటా స్టీల్, దివీస్ ల్యాబ్, డాక్టర్ రెడ్డీస్, కోల్ ఇండియా, ఓఎన్జీసీ, మారుతీ, ఐషర్ మోటార్స్ కంపెనీల షేర్లు మాత్రం నష్టాల్లో ట్రేడ్ అవుతూ టాప్ లూజర్స్ గా ఉన్నాయి.