Stock Market: గ్లోబల్ మార్కెట్లకు విరుద్ధంగా సెన్సెక్స్-నిఫ్టీ.. అసలు ఏం జరుగుతోంది?

Market Opening: దేశీయ స్టాక్ మార్కెట్లు నేడు తమ ప్రయాణాన్ని ఆరంభంలో ఒడిదొడుకుల్లో కొనసాగిస్తున్నాయి. వాస్తవానికి అమెరికా, ఆసియా మార్కెట్లు లాభాల్లో కొనసాగుతున్నప్పటికీ దేశీయ మార్కెట్లు ఫ్లాట్ ట్రేడింగ్ కొనసాగిస్తున్నాయి.

ఉదయం 9.37 గంటల సమయంలో బెంచ్ మార్క్ సూచీ సెన్సెక్స్ 32 పాయింట్ల నష్టంలో ట్రేడింగ్ కొనసాగిస్తుండగా.. మరో కీలక సూచీ నిఫ్టీ 14 పాయింట్ల మేర నష్టంతో ట్రేడవుతోంది. ఇదే క్రమంలో నిఫ్టీ బ్యాంక్ సూచీ 171 పాయింట్లు, నిఫ్టీ మిడ్ క్యాప్ సూచీ 92 పాయింట్ల నష్టంతో ట్రేడింగ్ ముందుకు సాగిస్తున్నాయి. ప్రధానంగా మార్కెట్లు చాలా కాలంగా బుల్ జోరును కొనసాగిస్తున్న వేళ నేడు ఇన్వెస్టర్లు కొంత క్లారిటీ కోసం వేచి చూస్తున్నట్లు కనిపిస్తోంది. గ్లోబల్ కీలక సమాచారం కోసం వారు ఎదురుచూస్తున్నారు.

ఎన్ఎస్ఈలో ఓఎన్జీసీ, కోల్ ఇండియా, పవర్ గ్రిడ్, విప్రో, గ్రాసిమ్, ఇన్ఫోసిస్, టీసీఎస్, హెచ్డీఎఫ్సీ బ్యాంక్, హెచ్సీఎల్ టెక్నాలజీస్, ఎల్ టి, బీపీసీఎల్, ఎయిర్ టెల్, సిప్లా, హీరో మోటార్స్, టెక్ మహీంద్రా, ఎన్టీపీసీ, అల్ట్రాటెక్ సిమెంట్స్, నెస్లే, టాటా స్టీల్, అదానీ పోర్ట్స్ కంపెనీల షేర్లు నేడు మార్కెట్ల ఆరంభంలో లాభాలతో ముందుకు సాగుతున్నాయి.

ఇదే క్రమంలో టాటా మోటార్స్, కోటక్ బ్యాంక్, బజాజ్ ఫైనాన్స్, హెచ్డీఎఫ్సీ లైఫ్, శ్రీరామ్ ఫైనాన్స్, బజాజ్ ఆటో, ఎస్బీఐ లైఫ్, యాక్సిస్ బ్యాంక్, డాక్టర్ రెడ్డీస్, ఐషర్ మోటార్స్, ఐసీఐసీఐ బ్యాంక్, బజాజ్ ఫిన్ సర్వ్, ఇండస్ఇండ్ బ్యాంక్, అదానీ ఎంటర్ ప్రైజెస్, సన్ ఫార్మా, మారుతీ, ఏషియన్ పెయింట్స్, అపోలో హాస్పిటల్స్, బ్రిటానియా, మహీంద్రా అండ్ మహీంద్రా కంపెనీల షేరుల నష్టాలతో టాప్ లూజర్లుగా కొనసాగుతున్నాయి.