Stock Market: లాభాల్లో ప్రారంభమైన సెన్సెక్స్, నిఫ్టీ.. ఐటీ, మెటల్ స్టాక్స్ దన్నుతో..

Stock Market: ఈరోజు దేశీయ స్టాక్ మార్కెట్లో కీలక సూచీలైన సెన్సెక్స్, నిఫ్టీలు తమ ప్రయాణాన్ని లాభాలతో ప్రారంభించాయి. ప్రధానంగా మార్కెట్ వర్గాలు తాజాగా విడుదలైన ద్రవ్యోల్బణం గణాంకాలను దృష్టిలో ఉంచుకుని ముందుకు సాగుతున్నారు. ఈ క్రమంలో మార్కెట్లు కొంత వోలటాలిటీకి గురవుతున్నాయి.

మార్కెట్ సూచీలు..

ఉదయం 9.35 గంటల సమయంలో సెన్సెక్స్ 311 పాయింట్లు, నిఫ్టీ 76 పాయింట్లు, బ్యాంక్ నిఫ్టీ సూచీ 31 పాయింట్ల లాభంలో ట్రేడవుతున్నాయి. ఇదే సమయంలో నిఫ్టీ మిడ్ క్యాప్ సూచీ మాత్రం 138 పాయింట్ల నష్టంలో కొనసాగుతోంది. ప్రధానంగా ఐటీ, మెటల్ రంగాల షేర్లు లాభాల్లో కొనసాగటం కీలక బెంచ్ మార్క్ సూచీలు లాభాల్లో కొనసాగటానికి కారణంగా నిలిచింది.

టాప్ గెయినర్స్..

NSE సూచీలో యూపీఎల్, ఇన్ఫోసిస్, మహీంద్రా అండ్ మహీంద్రా, టీసీఎస్, టెక్ మహీంద్రా, విప్రో, రిలయన్స్, నెస్లే ఇండియా, హెచ్సీఎల్ టెక్, హెచ్డీఎఫ్సీ బ్యాంక్, అదానీ పోర్ట్స్, హెచ్డీఎఫ్సీ, ఐసీఐసీఐ బ్యాంక్, ఎయిర్ టెల్, హిందుస్థాన్ యూనీలివర్, బ్రిటానియా, అల్ట్రాటెక్ సిమెంట్, సిప్లా, బజాజ్ ఆటో, బజాజ్ ఫైనాన్స్ కంపెనీల షేర్లు లాభాల్లో కొనసాగుతూ టాప్ గెయినర్స్ గా ఉన్నాయి.

టాప్ లూజర్స్..

ఇదే సమయంలో అదానీ ఎంటర్ ప్రైజెస్, టాటా మోటార్స్, ఇండస్ ఇండ్ బ్యాంక్, అపోలో హాస్పిటల్స్, టైటాన్, ఐషర్ మోటార్స్, హీరోమోటొకార్ప్, గ్రాసిమ్, ఎన్టీపీసీ, ఓఎన్జీసీ, ఎస్బీఐ లైఫ్, ఏషియన్ పెయింట్స్, బీపీసీఎల్, పవర్ గ్రిడ్, ఎస్బీఐ, దివీస్ ల్యాబ్స్, కోటక్ బ్యాంక్, హిందాల్కొ, బజాజ్ ఫిన్ సర్వ్, సన్ ఫార్మా కంపెనీల షేర్లు నష్టాల్లో కొనసాగుతూ టాప్ లూజర్స్ గా ఉన్నాయి.