Stock Market: వారాతంలో నీరుకారిన మార్కెట్లు.. నష్టాల్లో ముగిసిన Sensex, Niffty..

Market Closing: భారీ ఓలటాలిటీ నడుమ దేశీయ స్టాక్ మార్కెట్లు ఈవారం తమ ప్రయాణాన్ని నష్టాల్లో ముగించాయి. అంతర్జాతీయ ప్రతికూలతలు భారత మార్కెట్లలోని సూచీలను నష్టాల బాట పట్టించాయి.

మార్కెట్లు ముగిసే సమయంలో బెంచ్ మార్క్ సూచీ సెన్సెక్స్ 202 పాయింట్ల నష్టంలో ట్రేడింగ్ ముగించగా.. మరో కీలక సూచీ నిఫ్టీ 83 పాయింట్లను కోల్పోయింది. ఇదే సమయంలో నిఫ్టీ బ్యాంక్ సూచీ 99 పాయింట్లు, నిఫ్టీ మిడ్ క్యాప్ సూచీ 126 పాయింట్లను కోల్పోయింది. ఈ క్రమంలో పవర్ రంగంలోని షేర్లు లాభాల బాట పట్టాయి.

క్లోజింగ్ సమయంలో ఎన్ఎస్ఈలో అదానీ ఎంటర్ ప్రైజెస్, అదానీ పోర్ట్స్, ఐషర్ మోటార్స్, మారుతీ, బ్రిటానియా, యాక్సిస్ బ్యాంక్, నెస్లే, రిలయన్స్, హిందుస్థాన్ యూనీలివర్, టాటా స్టీల్ కంపెనీల షేర్లు లాభాలతో తమ ప్రయాణాన్ని వారాంతంలో ముగించి టాప్ గెయినర్లుగా నిలిచాయి.

ఇదే క్రమంలో హీరో మోటార్స్, టెక్ మహీంద్రా, టీసీఎస్, హిందాల్కొ, ఇన్ఫోసిస్స్, మహీంద్రా అండ్ మహీంద్రా, ఓఎన్జీసీ, విప్రో, సన్ ఫార్మా, యూపీఎల్, బీపీసీఎల్, పవర్ గ్రిడ్, బజాజ్ ఫిన్ సర్వ్, బజాజ్ ఫైనాన్స్, బజాజ్ ఆటో, కోటక్ బ్యాంక్, సిప్లా, ఏషియన్ పెయింట్స్, హెచ్డీఎఫ్సీ లైఫ్ షేర్లు నష్టాలతో వారాంతాన్ని ముగించి టాప్ లూజర్లుగా నిలిచాయి.