Stock Market: లాభాల్లో స్టాక్ మార్కెట్లు.. గ్లోబల్ మార్కెట్లకు ప్రతికూలంగా బుల్స్ జోరు..

Market Opening: దేశీయ స్టాక్ మార్కెట్లు అంతర్జాతీయ మార్కెట్లకు వ్యకిరేకంగా లాభాలతో ముందుకు సాగుతున్నాయి. నష్టాలకు బ్రేక్ వేసిన భారత మార్కెట్లు వరుసగా భారీ ర్యాలీని కొనసాగిస్తున్నాయి.

ఉదయం 9.25 గంటల సమయంలో బెంచ్ మార్క్ సూచీ సెన్సెక్స్ 215 పాయింట్ల లాభంలో కొనసాగుతుండగా.. మరో కీలక సూచీ నిఫ్టీ 63 పాయింట్ల మేర గెయిన్ అయ్యింది. ఇదే క్రమంలో నిఫ్టీ బ్యాంక్ సూచీ 80 పాయింట్లు, నిఫ్టీ మిడ్ క్యాప్ సూచీ 241 పాయింట్ల మేర లాభాలతో కొనసాగుతున్నాయి. ఈ క్రమంలో అమెరికా మార్కెట్లు నష్టాల్లో ఉండగా.. ఇదే క్రమంలో ఆసియా మార్కెట్లు మిశ్రమంగా కొనసాగుతున్నాయి.

ఎన్ఎస్ఈలో బజాజ్ ఆటో, ఎస్బీఐ లైఫ్, ఎన్టీపీసీ, విప్రో, ఎల్ టిఐఎమ్, హీరో మోటార్స్, అదానీ పోర్ట్స్, ఎస్బీఐ, మహీంద్రా అండ్ మహీంద్రా, ఇన్ఫోసిస్, బీపీసీఎల్, బజాజ్ ఫిన్ సర్వ్, టెక్ మహీంద్రా, టీసీఎస్, ఐషర్ మోటార్స్, ఐసీఐసీఐ బ్యాంక్, హెచ్డీఎఫ్సీ లైఫ్, పవర్ గ్రిడ్, హిందుస్థాన్ యూనీలివర్, కోల్ ఇండియా కంపెనీల షేర్లు లాభాలతో టాప్ గెయినర్లుగా తమ ప్రయాణాన్ని కొనసాగిస్తున్నాయి.

ఇదే క్రమంలో నెస్లే, సన్ ఫార్మా, సిప్లా, ఇండస్ఇండ్ బ్యాంక్, బ్రిటానియా, దివీస్ ల్యాబ్, హెచ్డీఎఫ్సీ బ్యాంక్, ఓఎన్జీసీ, ఏషియన్ పెయింట్స్, జేఎస్డబ్ల్యూ స్టీల్, టాటా కన్జూమర్, గ్రాసిమ్ కంపెనీల షేర్లు నష్టాలతో టాప్ లూజర్లుగా కొనసాగుతున్నాయి.