Stock Market: దూకుడు ఆపని సెన్సెక్స్-నిఫ్టీ.. మోతమోగిస్తున్న మిడ్ క్యాప్ స్టాక్స్..

Market Opening: వారంలో రెండో రోజు సైతం దేశీయ స్టాక్ మార్కెట్లు లాభాల ప్రయాణాన్ని కొనసాగిస్తున్నాయి. ప్రధానంగా అమెరికా మార్కెట్లలో లాభాల పరుగులతో పాటు ఆసియా మార్కెట్లు సానుకూలంగా కొనసాగటం బలాన్ని చేకూరుస్తోంది.

ఉదయం 9.20 గంటల సమయంలో బెంచ్ మార్క్ సూచీ సెన్సెక్స్ 171 పాయింట్ల లాభంలో ఉండగా మరో సూచీ నిఫ్టీ 60 పాయింట్ల మేర లాభపడింది. ఇదే క్రమంలో నిఫ్టీ బ్యాంక్ సూచీ 227 పాయింట్లు, నిఫ్టీ మిడ్ క్యాప్ సూచీ 283 పాయింట్ల మేర పెరుగుదలను నమోదు చేశాయి. ఈ క్రమంలో మార్కెట్లో ఫోకస్ లో ఉన్న బజాజ్ ఫైనాన్స్ షేర్లు దాదాపు 4 శాతం మేర నష్టపోయాయి. ఆసియా మార్కెట్లను పూర్తిగా పరిశీలిస్తే జనవరిలో అత్యధికంగా FIIలు తమ పెట్టుబడులను ఇండియా మార్కెట్ల నుంచి వెనక్కి తీసుకున్నట్లు వెల్లడైంది.

ఎన్ఎస్ఈలో హిందాల్కొ, విప్రో, బీపీసీఎల్, ఎల్‌టిఐఎమ్, ఎయిర్ టెల్, ఓఎన్జీసీ, టాటా మోటార్స్, టెక్ మహీంద్రా, ఇన్ఫోసిస్, హెచ్సీఎల్ టెక్, దివీస్ ల్యాబ్, టీసీఎస్, యూపీఎల్, జేఎస్డబ్ల్యూ స్టీల్, బజాజ్ ఆటో, డాక్టర్ రెడ్డీస్, హిందుస్థాన్ యూనీలివర్, సిప్లా, ఎస్బీఐ, గ్రాసిమ్ కంపెనీల షేర్లు లాభాలతో టాప్ గెయినర్లుగా ముందుకు సాగుతున్నాయి.

ఇదే క్రమంలో బజాజ్ ఫైనాన్స్, బజాజ్ ఫిన్ సర్వ్, ఎస్బీఐ లైఫ్, నెస్లే, ఐటీసీ, అదానీ పోర్ట్స్, అల్ట్రాటెక్ సిమెంట్స్, అదానీ ఎంటర్ ప్రైజెస్, హెచ్డీఎఫ్సీ లైఫ్, పవర్ గ్రిడ్, కోల్ ఇండియా, రిలయన్స్, సన్ ఫార్మా, అపోలో హాస్పిటల్స్, ఎల్ టి కంపెనీల షేర్లు నష్టాలతో టాప్ లూజర్లుగా తమ ప్రయాణాన్ని ఇంట్రాడేలో కొనసాగిస్తున్నాయి.