Stock Market: స్వల్ప లాభాల్లో ముగిసిన Sensex, Nifty.. ముంచిన బ్యాంకింగ్ స్టాక్స్..

Market Closing: ప్రతికూల అంతర్జాతీయ పరిణామాలతో ఉదయం ఒడిదొడుకుల్లో ప్రారంభమైన దేశీయ మార్కెట్లు చివరికి ఫ్లాట్ ముగింపును నమోదు చేశాయి.

మార్కెట్లు ముగిసే సమయంలో బెంచ్ మార్క్ సూచీ సెన్సెక్స్ 100 పాయింట్ల మేర లాభపడగా.. మరో కీలక సూచీ నిఫ్టీ 36 పాయింట్లు లాభపడింది. ఇదే క్రమంలో బ్యాంక్ నిఫ్టీ సూచీ 123 పాయింట్లు కోల్పోగా.. నిఫ్టీ మిడ్ క్యాప్ సూచీ 31 పాయింట్ల స్వల్ప లాభంలో ట్రేడింగ్ ముగించింది. ఈ క్రమంలో ఎఫ్ఎమ్‌సీజీ, ఫార్మా రంగాల షేర్లు మాత్రం లాభపడ్డాయి. ప్రధానంగా దేశీయ మార్కెట్లలోని ఇన్వెస్టర్లు జీ20 సదస్సులో కీలక పరిణామాలు, ప్రకటనల కోసం వేచిచూస్తున్నారు.

ఎన్ఎస్ఈలో టాటా కన్జూమర్, దివీస్ ల్యాబ్స్, ఎయిర్ టెల్, హెచ్డీఎఫ్సీ బ్యాంక్, బ్రిటానియా, సిప్లా, అల్ట్రాటెక్ సిమెంట్స్, ఐటీసీ, హెచ్డీఎఫ్సీ లైఫ్, టైటాన్, సన్ ఫార్మా, బీపీసీఎల్, అపోలో హాస్పిటల్స్, హిందుస్థాన్ యూనీలివర్, బజాజ్ ఫైనాన్స్, బజాజ్ ఫిన్ సర్వ్, ఎస్బీఐ లైఫ్, కోటక్ బ్యాంక్, యూపీఎల్, నెస్లే కంపెనీల షేర్లు లాభాలతో టాప్ గెయినర్లుగా నిలిచాయి.

ఇదే క్రమంలో టాటా స్టీల్, హిందాల్కొ, యాక్సిస్ బ్యాంక్, ఎన్టీపీసీ, ఇండస్ఇండ్ బ్యాంక్, ఐసీఐసీఐ బ్యాంక్, గ్రాసిమ్, విప్రో, ఎల్ టిఐఎమ్, జియో ఫైనాన్షియల్స్, ఐషర్ మోటార్స్, ఎస్బీఐ, మారుతీ, జేఎస్డబ్ల్యూ స్టీల్, టెక్ మహీంద్రా, బజాజ్ ఆటో, టీసీఎస్, ఇన్ఫోసిస్, అదానీ ఎంటర్ ప్రైజెస్, అదానీ పోర్ట్స్ కంపెనీల షేర్లు నష్టాల్లో ట్రేడింగ్ ముగించి టాప్ లూజర్లుగా నిలిచాయి.