Stock Market: నష్టాల్లో ముగిసిన Sensex, Nifty.. నష్టాల్లో ఆ రెండు రంగాల స్టాక్స్

Stock Market Crash: ఉదయం నష్టాలతో ప్రారంభమైన దేశీయ స్టాక్ మార్కెట్లు రోజంతా అదే ధోరణిని కొనసాగించాయి. ఈ క్రమంలో చివరికి నష్టాల్లోనే ప్రయాణాన్ని ముగించాయి.

మార్కెట్లు ముగిసే సమయంలో బెంచ్ మార్క్ సూచీ సెన్సెక్స్ 347 పాయింట్లు నష్టపోగా.. మరో కీలక సూచీ నిఫ్టీ 99 పాయింట్లు లాస్ అయ్యింది. ఇదే క్రమంలో నిఫ్టీ బ్యాంక్ సూచీ 308 పాయింట్లు నష్టపోయింది. అయితే నిఫ్టీ మిడ్ క్యాప్ సూచీ మాత్రం 126 పాయింట్ల లాభంతో ట్రేడింగ్ ముగించింది.

ప్రధానంగా అంతర్జాతీయ మార్కెట్లతో పాటు ఆసియా మార్కెట్ల నష్టాలు దేశీయ స్టాక్ మార్కెట్లలో అమ్మకాలకు దారితీశాయి. నెల చివరి రోజు మార్కెట్లలో ప్రధానంగా ఐటీ, హెల్త్ కేర్ రంగాల షేర్లలో కొనుగోళ్లు నమోదయ్యాయి. ఇదే క్రమంలో మెటల్, బ్యాంకింగ్ రంగాల షేర్లు తీవ్రమైన అమ్మకాల ఒత్తిడికి లోనయ్యాయి. ట్రేడింగ్ ముగింపుకు కొన్ని నిమిషాలు ముందు మార్కెట్లలో ఓలటాలిటీ అధికంగా కనిపించింది.

మార్కెట్లు ముగిసే సమయంలో NSEలోని టెక్ మహీంద్రా, ఎయిర్ టెల్, కోటక్ బ్యాంక్, ఎస్బీఐ లైఫ్, సన్ ఫార్మా, ఏషియన్ పెయింట్స్, హెచ్డీఎఫ్సీ లైఫ్, టాటా మోటార్స్, బీపీసీఎల్, బ్రిటానియా, నెస్లే, అదానీ పోర్ట్స్, హెచ్సీఎల్ టెక్, టాటా కన్జూమర్, టైటాన్, హిందుస్థాన్ యూనీలివర్, అపోలో హాస్పిటల్స్, విప్రో, ఐసీఐసీఐ బ్యాంక్, ఎల్ టి కంపెనీల షేర్లు లాభాల్లో ప్రయాణాన్ని ముగించి టాప్ గెయినర్లుగా నిలిచాయి.

ఇదే క్రమంలో ఓఎన్జీసీ, ఎన్టీపీసీ, యాక్సిస్ బ్యాంక్, రిలయన్స్, హెచ్డీఎఫ్సీ, పవర్ గ్రిడ్, హెచ్డీఎఫ్సీ బ్యాంక్, పవర్ గ్రిడ్, హెచ్డీఎఫ్సీ, గ్రాసిమ్, హిందాల్కొ, కోల్ ఇండియా, సిప్లా, టాటా స్టీల్, బజాజ్ ఫిన్ సర్వ్, అల్ట్రాటెక్ సిమెంట్స్, మహీంద్రా అండ్ మహీంద్రా, టీసీఎల్, యూపీఎల్, ఐటీసీ, దివీస్ ల్యాబ్స్, ఇండస్ ఇండ్ బ్యాంక్ కంపెనీల షేర్లు నష్టాల్లో ముగిసి టాప్ లూజర్లుగా నిలిచాయి.