Stock Market: భారీ లాభాల్లో ముగిసిన స్టాక్ మార్కెట్లు.. GIFT Nifty ప్రారంభం..

Closing Bell: నెల ప్రారంభంలో తొలిరోజు దేశీయ స్టాక్ మార్కెట్ల సూపర్ లాభాల్లో ప్రయాణాన్ని ముగించాయి. ఈ క్రమంలో కీలక సూచీలు భారీ లాభాల్లో ట్రేడింగ్ ముగించాయి.

స్టాక్ మార్కెట్లు ముగిసే సమయంలో దేశీయ బెంచ్ మార్క్ స్టాక్ మార్కెట్ సూచీ సెన్సెక్స్ 486 పాయింట్ల లాభంలో ఉండగా.. మరో కీలక సూచీ నిఫ్టీ 134 పాయింట్ల లాభంలో ట్రేడింగ్ ముగించింది. ఇదే క్రమంల నిఫ్టీ బ్యాంక్ సూచీ 411 పాయింట్లు, నిఫ్టీ మిడ్ క్యాప్ సూచీ 89 పాయింట్ల లాభంలో ప్రయాణాన్ని ముగించాయి. ఈరోజు మార్కెట్ల లాభాలతో ఇన్వెస్టర్ల సంపద కొత్త గరిష్ట స్థాయి రూ.298.30 లక్షల కోట్లకు చేరుకుంది.

భారత ప్రభుత్వం SGX NIFTYని రీబ్రాండింగ్ చేస్తూ GIFT Niftyగా తీసుకొచ్చింది. గతంలో ఇది సింగపూర్ కేంద్రంగా పనిచేసేది. ఇకపై సింగపూర్ ఎక్స్ఛేంజ్‌కు బదులుగా నిఫ్టీ ఫ్యూచర్స్ US డాలర్-డినామినేటెడ్ కాంట్రాక్ట్‌లు.. ఇప్పుడు గుజరాత్ లోని GIFT సిటీ SEZలో ఉన్న NSE IXలో ట్రేడ్ అవుతాయి. ఇంటర్నేషనల్ ఫైనాన్షియల్ సర్వీసెస్ సెంటర్ అథారిటీ(IFSCA) రెగ్యులేటరీ ఫ్రేమ్‌వర్క్ కింద పని చేస్తాయి. గిఫ్డ్ నిఫ్టీ రోజులో 21 గంటల పాటు ట్రేడింగ్ కోసం అందుబాటులో ఉండనుంది. ఇది ఆసియా, యూరప్, యూఎస్ మార్కెట్లకు అందుబాటులో ఉంటుంది. మెుదటి సెషన్ ఉదయం 6.30 నుంచి మధ్యాహ్నం 3.40 వరకు, రెండవ సెషన్‌ సాయంత్రం 4.35 నుంచి రాత్రి 2.45 గంటల వరకు అందుబాటులో ఉంటుంది.

మార్కెట్లు ముగిసే సమయంలో ఎన్ఎస్ఈలో గ్రాసిమ్, ఐటీసీ, బీపీసీఎల్, బజాజ్ ఫైనాన్స్, రిలయన్స్, ఎస్బీఐ, హెచ్డీఎఫ్సీ, అల్ట్రాటెక్ సిమెంట్, ఓఎన్జీసీ, ఐషర్ మోటార్స్, జేఎస్డబ్ల్యూ స్టీల్, మహీంద్రా అండ్ మహీంద్రా, హిందాల్కొ, హెచ్డీఎఫ్సీ బ్యాంక్, ఎన్టీపీసీ, టాటా స్టీల్, ఐసీఐసీఐ బ్యాంక్, హిందుస్థాన్ యూనీలివర్, బజాజ్ ఫిన్ సర్వ్, విప్రో కంపెనీల షేర్లు లాభాలతో టాప్ గెయినర్లుగా నిలిచాయి.

ఇదే క్రమంలో పవర్ గ్రిడ్, బజాజ్ ఆటో, సన్ ఫార్మా, సిప్లా, మారుతీ, నెస్లే, యూపీఎల్, డాక్టర్ రెడ్డీస్, టీసీఎస్, ఎస్బీఐ లైఫ్, టాటా మోటార్స్, హీరో మోటార్స్, టెచ్సీఎల్ టెక్నాలజీస్, అపోలో హాస్పిటల్స్, యాక్సిస్ బ్యాంక్, బ్రిటానియా, ఏషియన్ పెయింట్స్, టాటా కన్జూమర్ కంపెనీల షేర్లు నష్టాల్లో ట్రేడింగ్ ముగించి టాప్ లూజర్లుగా నిలిచాయి.