Market Closing: బ్రేక్ తీసుకున్న బుల్స్.. ముగింపు సమయంలో ఒత్తిళ్లలో మార్కెట్ సూచీలు

Closing Bell: ఉదయం ఫ్లాట్ ఆరంభంతో మెుదలైన దేశీయ స్టాక్ మార్కెట్లు మెుత్తానికి చివరికి లాభాల్లో ప్రయాణాన్ని ముగించాయి. ఓలటాలిటీ ఉన్నప్పటికీ ప్రధానంగా ఫైనాన్స్, ఎఫ్ఎమ్సీజీ కంపెనీల షేర్లపై ఇన్వెస్టర్లు దృష్టి సారించారు.

మార్కెట్లు ముగిసే సమయానికి బెంచ్ మార్క్ సూచీ సెన్సెక్స్ 123 పాయింట్లు, మరో కీలక సూచీ నిఫ్టీ సూచీ 35 పాయింట్ల లాభంలో ఉన్నాయి. ఇదే సమయంలో నిఫ్టీ బ్యాంక్ సూచీ 125 పాయింట్లు, నిఫ్టీ మిడ్ క్యాప్ 84 పాయింట్ల మేర లాభాలతో ప్రయాణాన్ని ముగించాయి. అయితే మార్కెట్ల క్లోజింగ్ సమయంలో కొంత అమ్మకాల ఒత్తిడి కనిపించింది.

ఎన్ఎస్ఈలోని ఐటీసీ, హెచ్డీఎఫ్సీ లైఫ్, బజాజ్ ఫిన్ సర్వ్, కోటక్ బ్యాంక్, బజాజ్ ఫైనాన్స్, విప్రో, హెచ్సీఎల్ టెక్నాలజీస్, మారుతీ, అల్ట్రాటెక్ సిమెంట్స్, గ్రాసిమ్, ఇండస్ ఇండ్ బ్యాంక్, ఇన్ఫోసిస్, యాక్సిస్ బ్యాంక్, జేఎస్డబ్ల్యూ స్టీల్, హెచ్డీఎఫ్సీ, ఐసీఐసీఐ బ్యాంక్, హెచ్డీఎఫ్సీ బ్యాంక్, సిప్లా, పవర్ గ్రిడ్, హిందుస్థాన్ యూనీలివర్ కంపెనీల షేర్లు లాభాల్లో ముగిసి టాప్ గెయినర్లుగా నిలిచాయి.

ఇదే క్రమంలో సూచీలోని హిందాల్కొ, అదానీ ఎంటర్ ప్రైజెస్, టాటా స్టీల్, హెచ్సీఎల్ టెక్నాలజీస్, డాక్టర్ రెడ్డీస్, ఐషర్ మోటార్స్, అపోలో హాస్పిటల్స్, సన్ ఫార్మా, నెస్లే, దివీస్ ల్యాబ్స్, కోల్ ఇండియా, టాటా కన్జూమర్, ఎల్ టి, అదానీ పోర్ట్స్, టాటా మోటార్స్, బజాజ్ ఆటో, బీపీసీఎల్, టైటాన్, ఎస్బీఐ, భారతీ ఎయిర్ టెల్ కంపెనీల షేర్లు నష్టాలతో ప్రయాణాన్ని ముగించి టాప్ లూజర్లుగా నిలిచాయి.