Stock Market: సూపర్ లాభాల్లో ముగిసిన మార్కెట్లు.. అన్ని రంగాలు గ్రీన్‌లోనే..

Market Closing Bell: ఉదయం నష్టాలతో ఊగిసలాటకు గురైన దేశీయ స్టాక్ మార్కెట్లు సాయంత్రానికి తిరిగి పుంజుకున్నాయి. దీంతో సెన్సెక్స్, నిఫ్టీతో సహా అన్ని సూచీలు మంచి లాభాల్లో ప్రయాణాన్ని ముగించాయి.

సాయంత్రం మార్కెట్లు ముగిసే సమయానికి బెంచ్ మార్క్ సూచీ సెన్సెక్స్ 690 పాయింట్లు లాభపడగా.. మరో కీలక సూచీ నిఫ్టీ 227 పాయింట్ల మేర పెరిగింది. ఇదే క్రమంలో నిఫ్టీ బ్యాంక్ సూచీ 59 పాయింట్లు, నిఫ్టీ మిడ్ క్యాప్ సూచీ 872 పాయింట్ల మేర లాభపడ్డాయి. ఇదే క్రమంలో స్మాల్ క్యాప్ సూచీ నేడు 2 శాతం మేర లాభపడింది. ఆటో, ఇన్ఫర్మేషన్ టెక్నాలజీ, క్యాపిటల్ గూడ్స్, ఎఫ్‌ఎంసీజీ, మెటల్, ఆయిల్ & గ్యాస్, పవర్ 1-2 శాతం పెరిగాయి.

ఎన్ఎస్ఈలో హిందాల్కొ, డాక్టర్ రెడ్డీస్, ఇండస్ఇండ్ బ్యాంక్, టాటా స్టీల్, హెచ్సీఎల్ టెక్నాలజీస్, పవర్ గ్రిడ్, బీపీసీఎల్, ఎయిర్ టెల్, హిందుస్థాన్ యూనీలివర్, టెక్ మహీంద్రా, ఎస్బీఐ లైఫ్, కోల్ ఇండియా, బజాజ్ ఫిన్ సర్వ్, జేఎస్డబ్ల్యూ స్టీల్, నెస్లే, ఓఎన్జీసీ, ఎస్బీఐ, విప్రో సహా మరిన్ని కంపెనీల షేర్లు నేడు లాభాలతో తమ ప్రయాణాన్ని ముగించాయి.

ఇదే క్రమంలో ఐసీఐసీఐ బ్యాంక్, యాక్సిస్ బ్యాంక్, ఏషియన్ పెయింట్స్, అదానీ పోర్ట్స్, హీరో మోటార్స్, ఎల్‌టిఐఎమ్, హెచ్డీఎఫ్సీ లైఫ్ కంపెనీల షేర్లు నష్టాలతో టాప్ లూజర్లుగా తమ ప్రయాణాన్ని కొనసాగిస్తున్నాయి.