Stock Market: ఉదయం లాభాలు.. సాయంత్రం నష్టాలు.. అమ్మకాల ఒత్తిడితో చిత్తు..

Market Closing: ఈరోజు ఉదయం లాభాలతో ప్రారంభమైన దేశీయ స్టాక్ మార్కెట్లు ఆ తర్వాత తీవ్ర ఒడిదొడుకులకు లోనయ్యాయి. ఈ క్రమంలో సాయంత్రం మార్కెట్లు ముగిసే సమయానికి వరుసగా రెండో రోజు నష్టపోయాయి.

సాయంత్రం మార్కెట్లు ముగిసే సమయానికి బెంచ్ మార్క్ సూచీ సెన్సెక్స్ 223 పాయింట్ల మేర నష్టపోయింది. ఇదే క్రమంలో మరో కీలక సూచీ నిఫ్టీ 71 పాయింట్లను కోల్పోయింది. అలాగే నిఫ్టీ బ్యాంక్ సూచీ 6 పాయింట్లు, నిఫ్టీ మిడ్ క్యాప్ సూచీ 47 పాయింట్ల మేర నష్టాల్లో వాంతాపు ట్రేడింగ్ సెషన్ ముగించాయి. ప్రధానంగా అమ్మకాల ఒత్తిడి మార్కెట్లను నష్టాల్లోకి నెట్టిందని నిపుణులు చెబుతున్నారు.

మార్కెట్ క్లోజింగ్ సమయంలో ఎన్ఎస్ఈలో ఇండస్ ఇండ్ బ్యాంక్, యాక్సిస్ బ్యాంక్, పవర్ గ్రిడ్, అదానీ ఎంటర్ ప్రైజెస్, ఎల్ టి, అల్ట్రాటెక్ సిమెంట్స్, సిప్లా, గ్రాసిమ్, టాటా మోటార్స్, బ్రిటానియా, ఎన్టీపీసీ, డాక్టర్ రెడ్డీస్, బజాజ్ ఫైనాన్స్, జేఎస్డబ్ల్యూ స్టీల్, ఐసీఐసీఐ బ్యాంక్, టైటాన్, హెచ్డీఎఫ్సీ బ్యాంక్ షేర్లు లాభాల్లో ముగిసి టాప్ గెయినర్లుగా నిలిచాయి.

ఇదే క్రమంలో హీరో మోటార్స్, దివీస్ ల్యాబ్స్, హెచ్డీఎఫ్సీ లైఫ్, ఐషర్ మోటార్స్, టాటా స్టీల్, ఎస్బీఐ, యూపీఎల్, హెచ్సీఎల్ టెక్, హిందుస్థాన్ యూనీలివర్, ఇన్ఫోసిస్, బజాజ్ ఆటో, ఓఎన్జీసీ, ఐటీసీ, ఎస్బీఐ లైఫ్, టెక్ మహీంద్రా, టీసీఎస్, హిందాల్కొ, టాటా కన్జూమర్, రిలయన్స్, మహీంద్రా అండ్ మహీంద్రా కంపెనీల షేర్లు నష్టాలతో ప్రయాణాన్ని ముగించి టాప్ లూజర్లుగా నిలిచాయి.