Stock Market: పేలవంగా నష్టాల్లో ముగిసిన మార్కెట్లు.. ముంచిన ఫార్మా స్టాక్స్..

Market Closing: దేశీయ స్టాక్ మార్కెట్లు కొత్త వారం నిరాశాజనకమైన ఆరంభాన్ని నమోదు చేసింది. పేలవమైన పనితీరుతో కీలక సూచీలు నష్టాల్లోనే రోజంతా ట్రేడింగ్ కొనసాగించాయి.

మార్కెట్లు ముగిసే సమయంలో బెంచ్ మార్క్ సూచీ సెన్సెక్స్ 116 పాయింట్ల నష్టాలతో ముగియగా.. మరో కీలక సూచీ నిఫ్టీ 19 పాయింట్లను కోల్పోయింది. ఇక నిఫ్టీ బ్యాంక్ సూచీ 62 పాయింట్లను కోల్పోగా.. నిఫ్టీ మిడ్ క్యాప్ సూచీ మాత్రం స్వల్పంగా 85 పాయింట్ల లాభంతో తన ప్రయాణాన్ని ముగించింది. ఈ క్రమంలో ఆటో, మెటల్ రంగాలు లాభాల సవారీ చేయగా.. ఫార్మా రంగం షేర్లు మాత్రం మార్కెట్లను నష్టాల్లోకి లాగాయి.

ఎన్ఎస్ఈలో హీరో మోటార్స్, జేఎస్డబ్ల్యూ స్టీల్, టాటా స్టీల్, ఎల్ టిఐఎమ్, యూపీఎల్, హెచ్సీఎల్ టెక్నాలజీస్, కోల్ ఇండియా, యాక్సిస్ బ్యాంక్, ఓఎన్జీసీ, హెచ్డీఎఫ్సీ లైఫ్, మహీంద్రా అండ్ మహీంద్రా, హిందాల్కొ, పవర్ గ్రిడ్, టైటాన్, బజాజ్ ఆటో, ఎస్పీఐ లైఫ్, డాక్టర్ రెడ్డీస్, ఎన్టీపీసీ, ఎల్ టి, ఇన్ఫోసిస్ కంపెనీల షేర్లు లాభాలతో ప్రయాణాన్ని ముగించి టాప్ గెయినర్లుగా నిలిచాయి.

ఇదే క్రమంలో దివీస్ ల్యాబ్, నెస్లే, టీసీఎస్, ఇండస్ఇండ్ బ్యాంక్, అదానీ పోర్ట్స్, ఏషియన్ పెయింట్స్, సన్ ఫార్మా, అదానీ ఎంటర్ ప్రైజెస్, ఎయిర్ టెల్, టెక్ మహీంద్రా, అల్ట్రాటెక్ సిమెంట్స్, కోటక్ బ్యాంక్, హిందుస్థాన్ యూనీలివర్, గ్రాసిమ్, టాటా కన్జూమర్, బజాజ్ ఫిన్ సర్వ్, బజాజ్ ఫైనాన్స్, మారుతీ, హెచ్డీఎఫ్సీ బ్యాంక్, విప్రో కంపెనీల షేర్లు నష్టాలతో టాప్ లూజర్లుగా నిలిచాయి.