Stock Market: లాభాల్లో ప్రారంభమైన మార్కెట్.. ఫోకస్‌లో ఐటీ కంపెనీల షేర్లు..

Opening Bell: దేశీయ స్టాక్ మార్కెట్లు వరుసగా మూడో రోజు తమ లాభాల ప్రయాణాన్ని కొనసాగిస్తున్నాయి. ఈరోజు కీలక సూచీలు స్వల్ప లాభాలతో ముందుకు సాగుతున్నాయి.

ఉదయం 9.18 గంటల సమయంలో బెంచ్ మార్క్ సూచీ సెన్సెక్స్ 81 పాయింట్ల లాభంలో ఉండగా.. మరో కీలక సూచీ నిఫ్టీ 23 పాయింట్ల మేర లాభంతో ఫ్లాట్ గా ముందుకు సాగుతున్నాయి. ఇక బ్యాంక్ నిఫ్టీ సూచీ 125 పాయింట్లు, నిఫ్టీ మిడ్ క్యాప్ సూచీ 178 పాయింట్ల వృద్ధితో ఇంట్రాడేలో ట్రేడింగ్ కొనసాగిస్తున్నాయి. ప్రధానంగా ఐటీ కంపెనీల షేర్లు ఫోకస్‌లో కొనసాగుతున్నాయి.

నిన్న మార్కెట్లలో బుల్స్ అన్ని కీలక రెసిస్టెంట్ స్థాయిలను ఉల్లంఘించి మార్కెట్లలో ఆధిపత్యాన్ని కొనసాగించాయి. ఇదే క్రమంలో అమెరికా ఫెడ్ మీటింగ్ మినిట్స్, తగ్గిన యూఎస్ ట్రెజరీ బాండ్ ఈల్డ్స్ మార్కెట్లకు ఉత్తేజాన్ని ఇస్తున్నాయి. అమెరికా ఆర్థిక వ్యవస్థలో ద్రవ్యోల్బణం ఇంకా కొనసాగుతూనే ఉన్నప్పటికీ పరిస్థితులు మెరుగుపడతాయని ఆశాభావంలో ఇన్వెస్టర్లు ఉన్నారు.

ఎన్ఎస్ఈలో హిందాల్కొ, బీపీసీఎల్, ఇండస్ఇండ్ బ్యాంక్, అదానీ ఎంటర్ ప్రైజెస్, యాక్సిస్ బ్యాంక్, టాటా స్టీల్, జేఎస్డబ్ల్యూ స్టీల్, ఎన్టీపీసీ, కోల్ ఇండియా, బజాజ్ ఆటో, ఎస్బీఐ, టాటా మోటార్స్, అదానీ పోర్ట్స్, మహీంద్రా అండ్ మహీంద్రా, హీరో మోటార్స్, ఐటీసీ, మారుతీ, ఐసీఐసీఐ బ్యాంక్, ఎల్‌టి షేర్లు మార్కెట్లో లాభాల్లో కొనసాగుతూ టాప్ గెయినర్లుగా నిలిచాయి.

టీసీఎస్, డాక్టర్ రెడ్డీస్, టెక్ మహీంద్రా, ఎయిర్ టెల్, ఇన్ఫోసిస్, బజాజ్ ఫైనాన్స్, సిప్లా, బజాజ్ ఫిన్ సర్వ్, నెస్లే, ఎస్బీఐ లైఫ్, అపోలో హాస్పిటల్స్, ఎల్ టిఐఎమ్, దివీస్ ల్యాబ్స్, విప్రో, హిందుస్థాన్ యూనీలివర్, సన్ ఫార్మా, రిలయన్స్, టైటాన్, యూపీఎల్ కంపెనీల షేర్లు నష్టాల్లో ట్రేడింగ్ కొనసాగిస్తూ టాప్ లూజర్లుగా కొనసాగుతున్నాయి.