Stock Market: ఒడిదొకుల్లోనూ లాభాల్లో మార్కెట్లు.. మిశ్రమంగా ఆసియా మార్కెట్లు..

Stock Market: ఉదయం గిఫ్డ్ నిఫ్టీ మార్కెట్లు నష్టాల్లో ప్రారంభం అవుతాయని సూచించాయి. ఒకపక్క అమెరికా మార్కెట్లు లాభాల్లో ముగియగా.. మరో పక్క ఆసియా మార్కెట్లు మిశ్రమంగా ఉండటంతో మార్కెట్లు స్వల్ప లాభాల్లో ప్రారంభం అయ్యాయి.

ఉదయం 9.16 గంటల సమయంలో బెంచ్ మార్క్ సూచీ సెన్సెక్స్ 44 పాయింట్ల లాభంలో ఉండగా.. మరో కీలక సూచీ నిఫ్టీ మాత్రం 16 పాయింట్ల లాభంలో ట్రేడింగ్ కొనసాగిస్తోంది. ఇదే క్రమంలో ఇంట్రాడేలో నిఫ్టీ బ్యాంక్ సూచీ 48 పాయింట్లు, నిఫ్టీ మిడ్ క్యాప్ సూచీ 136 పాయింట్ల లాభంలో ట్రేడింగ్ కొనసాగిస్తున్నాయి. ఈ క్రమంలో ఎఫ్ఐఐలు ఫ్యూచర్స్ ఇండెక్స్ లో కొనుగోలుదారులుగా కొనసాగుతున్నారు.

ఇదే క్రమంలో దేశీయ స్టాక్ మార్కెట్ ఇన్వెస్టర్లు రెండు అంశాల విషయంలో ప్రధానంగా జాగ్రత్తగా ఉండాలని మార్కెట్ నిపుణులు సూచిస్తున్నారు. ఒకటి రిజర్వు బ్యాంక్ ఎంపీసీ సమావేశంలో గురువారం వెలువడనున్న ప్రకటన కాగా మరొకటి అదే రోజు విడుదల కానున్న అమెరికా ద్రవ్యోల్బణం సమావేశం. ఈరోజు దేశీయమార్కెట్లకు ప్రపంచ మార్కెట్ ట్రెండ్ దిక్సూచిగా వ్యవహరిస్తుందని మార్కెట్ నిపుణులు అంచనా వేస్తున్నారు.

NSEలో హీరోమోటొకార్ప్, డాక్టర్ రెడ్డీస్, హెచ్డీఎఫ్సీ లైఫ్, ఎన్టీపీసీ, ఎల్ టిఐఎమ్, కోల్ ఇండియా, ఎస్బీఐ, హెచ్సీఎల్ టెక్నాలజీస్, అల్ట్రాటెక్ సిమెంట్స్, గ్రాసిమ్, ఎల్ టి, టైటాన్, బీపీసీఎల్, బజాజ్ ఆటో, విప్రో, టాటా మోటార్స్, టెక్ మహీంద్రా, హిందుస్థాన్ యూనీలివర్, దివీస్ ల్యాబ్స్, పవర్ గ్రిడ్ కంపెనీల షేర్లు లాభాల్లో ట్రేడింగ్ కొనసాగిస్తూ టాప్ గెయినర్లుగా నిలిచాయి.

ఇదే క్రమంలో ఐషర్ మోటార్స్, టాటా స్టీల్, యాక్సిస్ బ్యాంక్, అదానీ పోర్ట్స్, హిందాల్కొ, ఎస్బీఐ లైఫ్, అదానీ ఎంటర్ ప్రైజెస్, ఐసీఐసీఐ బ్యాంక్, రిలయన్స్, జేఎస్డబ్ల్యూ స్టీల్, ఇండస్ఇండ్ బ్యాంక్, నెస్లే, ఐటీసీ, ఇన్ఫోసిస్, కోటక్ బ్యాంక్, యూపీఎల్, సన్ ఫార్మా కంపెనీల షేర్లు నష్టాల్లో ట్రేడింగ్ కొనసాగిస్తూ ఇంట్రాడేలో టాప్ లూజర్లుగా ఉన్నాయి.