Stock Market: మార్కెట్లలో కనిపించని చలనం.. నష్టాల్లో బ్యాంకింగ్ రంగం.. ఎందుకంటే..

Market Closing: ఆసియా మార్కెట్లలో పరిస్థితుల కారణంగా దేశీయ స్టాక్ మార్కెట్లు ఈరోజు ఫ్లాట్ ట్రేడింగ్ లోనే రోజంతా కొనసాగాయి. మార్కెట్లలో అధిక ఓలటాలిటీ దీనికి ప్రధాన కారణంగా తెలుస్తోంది. అయితే రియాల్టీ రంగంలోని షేర్లు మాత్రం లాభాల్లో కొనసాగాయి.

ఈరోజు మార్కెట్లో టాటా మోటార్స్, టైటాన్ షేర్లు తమ హవాను కొనసాగించాయి. ఈ క్రమంలో ప్రముఖ బ్రోకరేజి సంస్థలు వీటి టార్గెట్ ధరలను పెంచుతూ కొనుగోలు రేటింగ్ అందించాయి. మార్కెట్లు ముగిసే సమయానికి బెంచ్ మార్క్ సూచీ సెన్సెక్స్ 13 పాయింట్ల లాభంలో ఉండగా.. నిఫ్టీ 25 పాయింట్ల లాభంలో ట్రేడింగ్ ముగించింది. అయితే నిఫ్టీ బ్యాంక్ సూచీ మాత్రం 206 పాయింట్ల మేర నష్టపోయింది. నిఫ్టీ మిడ్ క్యాప్ మాత్రం 116 పాయింట్లను గెయిన్ చేసింది.

NSEలో మార్కెట్లు ముగిసే సమయానికి టాటా మోటార్స్, ఓఎన్జీసీ, అదానీ ఎంటర్ ప్రైజెస్, గ్రాసిమ్, విప్రో, అదానీ పోర్ట్స్, పవర్ గ్రిడ్, ఎల్ టి, ఎం అండ్ ఎం, డాక్టర్ రెడ్డీస్, ఎన్టీపీసీ, టెక్ మహీంద్రా, హీరో మోటార్స్, హిందాల్కొ, టీసీఎస్, యూపీఎల్, టైటాన్, బీపీసీఎల్, జేఎస్డబ్ల్యూ స్టీల్, సిప్లా కంపెనీల షేర్లు లాభాలతో టాప్ గెయినర్స్ గా నిలిచాయి.

ఇదే క్రమంలో బజాజ్ ఫైనాన్స్, హిందుస్థాన్ యూనిలివర్, టాటా కన్జూమర్, ఏషియన్ పెయింట్స్, ఇండస్ ఇండ్ బ్యాంక్, బ్రిటానియా, ఎస్బీఐ లైఫ్, ఐసీఐసీఐ బ్యాంక్, యాక్సిస్ బ్యాంక్, రిలయన్స్, హెచ్డీఎఫ్సీ బ్యాంక్, నెస్లే, దివీల్ ల్యాబ్స్, సన్ ఫార్మా, ఎస్బీఐ, హెచ్డీఎఫ్సీ, హెచ్డీఎఫ్సీ లైఫ్, ఐషర్ మోటార్స్, అల్ట్రాటెక్ సిమెంట్స్ కంపెనీల షేర్లు నష్టపోయి టాప్ లూజర్స్ గా నిలిచాయి.

బ్యాంకింగ్ స్టాక్స్‌ మార్కెట్ ట్రేడింగ్ సమయంలో తీవ్రంగా ఒత్తిడికి లోనయ్యాయి. IDFC ఫస్ట్ బ్యాంక్ (-1.73 శాతం), ఇండస్‌ఇండ్ బ్యాంక్ (-1.45 శాతం), ICICI బ్యాంక్ (-0.91 శాతం), PNB (-0.74 శాతం), యాక్సిస్ బ్యాంక్ (-0.73 శాతం), HDFC బ్యాంక్ (-0.56 శాతం), బ్యాంక్ ఆఫ్ బరోడా (-0.51 శాతం), ఎస్‌బీఐ (-0.29 శాతం), కోటక్ మహీంద్రా (-0.04 శాతం) నష్టపోయాయి.