IT News: శుభవార్త అందుకున్న టీసీఎస్.. ఆ దిగ్గజ కంపెనీతో 5 ఏళ్ల డీల్ పై సంతకం..!!

TCS News: కరోనా తర్వాతి నుంచి దేశయ ఐటీ సేవల రంగంలోని అనేక కంపెనీలు తీవ్ర ఒతిదొడుకులను ఎదుర్కొంటున్న సంగతి తెలిసిందే. ద్రవ్యోల్బణం కారణంగా ప్రపంచ వ్యాప్తంగా వ్యాపారాలు, ఎకానమీలు మందగించిన వేళ ఆదాయాలపై టెక్ కంపెనీలు తీవ్ర ఒత్తిడిని ఎదుర్కొంటున్న సంగతి తెలిసిందే. అయితే ప్రస్తుతం పరిస్థితులు మెల్లగా స్థిమితపడుతున్న వేళ టెక్ కంపెనీలకు మంచి రోజులు తిరిగి వస్తున్నట్లు ఇటీవలి డీల్స్ చూస్తుంటే అర్థమౌతోంది.

ఈ క్రమంలో దేశంలోని ప్రముఖ ఐటీ సేవల కంపెనీ టీసీఎస్ తన డెన్మార్క్‌ క్లయింట్, ప్రముఖ టెలికాం దిగ్గజం టెలినార్ డెన్మార్క్‌తో 5 ఏళ్ల పాటు సేవలను అందించటానికి ఒప్పందం కుదుర్చుకుంటూ డీల్ పై సంతకం చేసుకున్నాయి. ఇది భారతీయ టెక్ కంపెనీకి రానున్న ఐదేళ్ల పాటు స్థిరమైన ఆదాయాన్ని అందించనుంది. దీన్ని చూస్తుంటే చాలా కాలంగా మందగమనంలో కొనసాగిన టెలికాం రంగం నుంచి డిమాండ్ పుంజుకుంటున్న వాతావరణం కనిపిస్తోంది. గడచిన 6 ఏళ్లుగా టీసీఎస్ టెలినార్ టెలికాం కోసం ఐటీ మౌలిక సదుపాయాల ఆధునీకరణపై పని చేస్తోంది. ప్రస్తుతం టీసీఎస్ దాదాపు 16 లక్షల మంది టెలినార్ కస్టమర్లకు సేవలను అందిస్తోంది.

దాదాపు గడచిన 25 ఏళ్లుగా భారతీయ టెక్ దిగ్గజం టీసీఎస్ ప్రపంచవ్యాప్తంగా 160కి పైగా ప్రముఖ టెలికాం కంపెనీలకు సేవలు అందిస్తున్న సంగతి తెలిసిందే. ఈ క్రమంలో ప్రపంచవ్యాప్తంగా 35,000 కంటే ఎక్కువ మంది ఉద్యోగులను కలిగి ఉంది. TCS టాప్ 10 గ్లోబల్ టెలికాం ఆపరేటర్లలో 5, టాప్-6 యూరోపియన్ ఆపరేటర్లలో నలుగురు, ఉత్తర అమెరికాలోని ఏడుగురు ఆపరేటర్లలో ఆరుగురికి సేవలను అందిస్తోంది.

ఈ డీల్ పై టెలినార్ చీఫ్ టెక్నాలజీ ఆఫీసర్ లూయిస్ హౌరామ్ సానుకూలంగా స్పందించారు. తమ టెలికాం మౌలిక సదుపాయాలను అప్‌గ్రేడ్ చేయడానికి, అభివృద్ధి చెందుతున్న వ్యాపార వాతావరణానికి అనుగుణంగా పరిష్కారాలను అందించడానికి టీసీఎస్ ఒప్పందం కుదుర్చుకుంది. ఐటీ సదుపాయాలను నిరంతరం అప్‍గ్రేడ్ చేయటంతో వినియోగదారులకు ఎటువంటి సమస్యలు లేకుండా సేవలను అందించడాన్ని కొనసాగించగలమని పేర్కొంది. ప్రపంచంలోని అతిపెద్ద టెలికమ్యూనికేషన్ కంపెనీలలో డెలినార్ డెన్మార్క్ ఒకటి, ప్రజలు వ్యాపారాలు సులభంగా, సురక్షితంగా కనెక్ట్ కావడానికి టీసీఎస్ కృషిచేస్తోందని డెన్మార్క్‌లోని TCS హెడ్ తాజా డీల్ పై స్పందించారు.

Disclaimer: The recommendations made above are by market analysts and are not advised by either the author, nor Greynium Information Technologies or GoodReturns. The author, nor the brokerage firm nor GoodReturns would be liable for any losses caused as a result of decisions based on this write-up. Goodreturns.in advises users to consult with certified experts before making any investment decision.