Indian Bank: ఫిక్స్‌డ్ డిపాజిట్ దారులకు శుభవార్త చెప్పిన ఇండియన్ బ్యాంక్..

| Published: Saturday, October 29, 2022, 17:47 [IST]

ప్రముఖ ప్రభుత్వ రంగ బ్యాంకు ఇండియన్ బ్యాంక్ ఫిక్స్‌డ్ డిపాజిట్ దారులకు శుభవార్త చెప్పింది. ఫిక్స్‌డ్ డిపాజిట్లపై వడ్డీ రేట్లను పెంచుతున్నట్లు ప్రకటించింది. రూ.2 కోట్ల లోపు ఫిక్స్‌డ్ డిపాజిట్లపై వడ్డీ రేట్లను పెంచింది. బ్యాంక్ అధికారిక వెబ్‌సైట్ ప్రకారం, కొత్త వడ్డీ రేట్లు శనివారం అక్టోబర్ 29, 2022 నుంచి అమలులోకి వచ్చాయి. బ్యాంక్ 1 సంవత్సరం నుంచి 5 సంవత్సరాలు లేదా అంతకంటే ఎక్కువ కాలవ్యవధిలో ఉన్న డిపాజిట్లపై వడ్డీ రేట్లను 90 bps వరకు పెంచింది. 7 రోజుల నుంచి 5 సంవత్సరాలలో మెచ్యూర్ అయ్యే డిపాజిట్లపై వడ్డీ రేట్లను ఇండియన్ బ్యాంక్ 2.80% నుంచి 6.30% వరకుఅందిస్తోంది.

శనివారం నుంచి

శనివారం నుంచి 2 సంవత్సరాల నుంచి 3 సంవత్సరాలలోపు మెచ్యూర్ అయ్యే డిపాజిట్లపై ఇప్పుడు ఇండియన్ బ్యాంక్‌లో గరిష్ఠంగా 6.50% వడ్డీ రేటు లభిస్తుంది. 7 రోజుల నుంచి 29 రోజుల వరకు మెచ్యూర్ అయ్యే ఫిక్స్‌డ్ డిపాజిట్లపై వడ్డీ రేటు 2.80% వద్ద స్థిరంగా ఉంచింది. 30 రోజుల నుంచి 45 రోజులలో మెచ్యూర్ అయ్యే డిపాజిట్లపై 3.00% వడ్డీ రేటును ఇస్తోంది. 46, 90 రోజుల మధ్య మెచ్యూర్ అయ్యే డిపాజిట్లపై 3.25% వడ్డీని అందిస్తోంది. 121 రోజుల నుంచి 180 రోజుల వరకు మెచ్యూర్ అయ్యే డిపాజిట్లపై, ఇండియన్ బ్యాంక్ 3.85% వడ్డీ రేటును ఇస్తోంది.

4.75% వడ్డీ రేటు

9 నెలల నుంచి 1 సంవత్సరం కంటే తక్కువ కాల వ్యవధిలో మెచ్యూర్ అయ్యే ఫిక్స్‌డ్ డిపాజిట్లపై బ్యాంక్ 4.75% వడ్డీ రేటును కొనసాగిస్తుంది. ఇండియన్ బ్యాంక్ 1 సంవత్సరం నుంచి 2 సంవత్సరాలలోపు మెచ్యూర్ అయ్యే డిపాజిట్లపై 5.50% నుండి 6.30% వరకు పెంచింది. 2 సంవత్సరాలలో మెచ్యూర్ అయ్యే డిపాజిట్లపై 90 bps పెంచింది 3 సంవత్సరాల నుంచి 5 సంవత్సరాలలోపు మెచ్యూర్ అయ్యే డిపాజిట్లు ఇప్పుడు 6.40% వడ్డీ రేటును పొందుతారు.

సీనియర్ సిటిజన్లు

సీనియర్ సిటిజన్‌ల కోసం డొమెస్టిక్ టర్మ్ డిపాజిట్లపై సంవత్సరానికి 0.50% అదనపు వడ్డీ రేటు చెల్లించనున్నారు. IB గోల్డెన్ ఏజ్ స్పెషల్ టర్మ్ డిపాజిట్ స్కీమ్ సూపర్ సీనియర్ సిటిజన్‌ల కోసం (80 ఏళ్లు మరియు అంతకంటే ఎక్కువ వయస్సు ఉన్నవారు) అన్ని డిపాజిట్ టేనర్‌లకు టర్మ్ డిపాజిట్‌పై ప్రామాణిక సీనియర్ సిటిజన్‌లకు ప్రస్తుతం ఇస్తున్న అదనపు రేటు కంటే అదనంగా 0.25% అధిక వడ్డీ రేటును అందిస్తుంది.