2030కి భారత్ IT ప్రపంచంలో AI లీడర్‌గా ఎదుగుతోంది… చిన్న స్టార్టప్స్ పెద్ద IT కంపెనీలతో పోటీకి సిద్ధమవుతున్నాయి

భారత IT మరియు AI సేవల మార్కెట్ 2030కి $400 బిలియన్లకు చేరనుందని బెస్సేమర్ వెంచర్ పార్టనర్స్ తెలిపింది. రిపోర్ట్ ప్రకారం, ఇది ప్రధానంగా కంపెనీలలో AI వినియోగం పెరగడం మరియు గ్లోబల్ అవుట్సోర్సింగ్ వేగంగా పెరగడం వల్ల సాధ్యమవుతుందని చెప్పింది. ఆటోమేషన్ వల్ల పునరావృతమైన పనుల ఖర్చులు తగ్గినా, కాంప్లెక్స్, హై-వాల్యూ పనులను బయటకి ఇవ్వడం కొత్త అవకాశాలను తెరుస్తుంది. దీని వల్ల చిన్న AI-ఫస్ట్ స్టార్టప్స్ కూడా TCS, Infosys, HCLTech వంటి పెద్ద IT కంపెనీలతో పోటీ పడే అవకాశం పొందుతున్నాయి.

బెస్సేమర్ COO నితిన్ కైమాల్ మాట్లాడుతూ, "మూడు సంవత్సరాల క్రితం చిన్న స్టార్టప్‌లు యాక్సెంచర్, డెలాయిట్, TCS వంటి పెద్ద కంపెనీలను ఛాలెంజ్ చేయడం కష్టం. ఇప్పటికీ సులభం కాదు, కానీ ఇప్పుడు ఒక అవకాశం వచ్చింది. సరైన ఫౌండర్స్, ప్రోడక్ట్, AI అవగాహన ఉంటే, అలాగే వేగంగా విలువ అందించగలిగితే, రాబోయే కొన్ని సంవత్సరాల్లో డిమాండ్ భారీగా పెరుగుతున్నప్పుడు దీన్ని ఒక గొప్ప అవకాశంగా ఉపయోగించుకోవచ్చు.

రిపోర్ట్‌లో దీన్ని భారత $264 బిలియన్ IT పరిశ్రమలో 'ఒక తరం మార్పు'గా చెప్పారు. సప్లై చైన్, అనాలిటిక్స్, కంప్లయన్స్ లాంటి రంగాల్లో AI పరిష్కారాలు ఉపయోగంలోకి వచ్చినప్పుడు, చిన్న AI-కంపెనీలు ఇప్పటి వరకు కష్టంగా భావించిన క్లిష్టమైన పనుల్లో కూడా అవకాశాలు పొందుతున్నాయి. కైమాల్ చెప్పారు, "ప్రతీ CXO ఇప్పుడు AI ప్రగతిని చూపాలని బోర్డులు మరియు పెట్టుబడిదారుల నుండి ఒత్తిడి ఎదుర్కొంటున్నారు. ఒక స్టార్టప్ నాలుగు-ఎనిమిది వారాల్లో తన విలువను నిరూపిస్తే, పెద్ద మరియు పునరావృతమైన ప్రాజెక్టులు గెలవగలుగుతుంది.

పెద్ద IT కంపెనీలు ఇప్పటికీ ప్రాధాన్యత కలిగి ఉన్నప్పటికీ, AI వినియోగం పెరగడం వల్ల పార్ట్నర్‌షిప్‌లు, అక్విజిషన్లు వేగంగా జరుగుతున్నాయి. కొన్ని సంస్థలు కొత్త సామర్థ్యాలను ఇంటర్నల్‌గా అభివృద్ధి చేస్తాయి, కొన్ని AI-ఫస్ట్ స్టార్టప్స్‌తో కలిసి పనిచేస్తాయి, లేదా వేగంగా పెరుగుతున్న కంపెనీలను అక్వైర్ చేస్తాయి. గ్లోబల్ IT M&A 2022-24 మధ్య $4.4 బిలియన్ నుండి $10.5 బిలియన్ రెట్టింపు అయ్యిందని రిపోర్ట్ పేర్కొంది. ఇది AI సామర్థ్యాలు, intellectual property, డొమైన్ నైపుణ్యాలను పొందే రేస్ పెరుగుతున్నదని చూపిస్తుంది.

ఇది, 2025 మొదటి 8 నెలల్లో AI స్టార్టప్స్‌లో పెట్టుబడులు 50% పెరిగి $665 మిలియన్ కు చేరాయి. ముఖ్యంగా ఎంటర్ప్రైజ్ ఆటోమేషన్, వెర్టికల్ AI ప్లాట్‌ఫారమ్‌లలో ఎక్కువ ఆసక్తి ఉంది. కైమాల్ చెప్పినట్టు, AI సేవలు సృష్టించడం గొప్ప అవకాశంగా ఉంది. భారతదేశనికి సహజ లాభం ఉంది గొప్ప AI ప్లాట్‌ఫారమ్‌లను బలమైన డొమైన్ మరియు డెలివరీ టాలెంట్‌తో కలపడం ద్వారా క్లయింట్లు నిజంగా పరిష్కారాలను ఉపయోగిస్తారు మరియు ఫలితాలను పొందుతారు.

భారతదేశం సాఫ్ట్‌వేర్ డెవలప్మెంట్‌లో అగ్రగామిగా ఉన్నందున, గ్లోబల్ కంపెనీలు AI ప్రాజెక్టులనుభారతదేశం ఆధారిత స్టార్టప్స్‌కు అవుట్సోర్స్ చేయడం ఎక్కువ అవుతుంది. ఇది భారతదేశం కోసం టెక్ హబ్ గా మరింత గుర్తింపు ఇస్తుంది. AI ఆధారిత అవుట్సోర్సింగ్ వృద్ధితో, IT ఇండస్ట్రీలో కొత్త నైపుణ్యాలపై డిమాండ్ పెరుగుతుంది. చిన్న స్టార్టప్స్ మాత్రమే కాకుండా, మధ్యతరగతి కంపెనీలు కూడా కొత్త AI-సంబంధిత ఉద్యోగాలను సృష్టించగలవు. ఇది నూతన టాలెంట్, స్కిల్ డెవలప్‌మెంట్ అవకాశాలను కూడా తెరుస్తుంది.