పెరుగుతున్న కరోనా కేసులు, విమాన సేవలపై కేంద్రం కీలక నిర్ణయం

కరోనా సెకండ్ వేవ్ యావత్ భారత్‌ను కుదిపేస్తోంది. ఇలాంటి పరిస్థితుల్లో కేంద్ర ప్రభుత్వం కీలక నిర్ణయం తీసుకున్నది. అంతర్జాతీయ విమాన సర్వీసులపై నిషేధాన్ని మరోసారి పొడిగించింది. ప్రస్తుతం కొనసాగుతోన్న ఈ నిషేధాన్ని మే 31వ తేదీ వరకు పొడిగించినట్లు ప్రకటించింది. ఈ మేరకు డీజీసీఏ జాయింట్ డైరెక్టర్ జనరల్ సునీల్ కుమార్ శుక్రవారం తెలిపారు.

కార్గో సర్వీసులకు మాత్రం ఈ నిషేధం వర్తించదని తెలిపారు. ఏవియేషన్ రెగ్యులేటర్ అప్రూవ్ చేసిన ప్రత్యేకఫ్లైట్స్‌కు అనుమతి ఉంటుందని తెలిపింది. అలాగే, డీజీసీఏ ఇప్పటికే ఎంపిక చేసిన మార్గాల్లో విమాన సర్వీసులు నడుస్తాయని తెలిపారు.

కరోనా నేపథ్యంలో వివిధ దేశాలు విమానా సర్వీసులపై నిషేధం విధించాయి. శుక్రవారం ఉదయం నాటికి గడిచిన 24 గంటల్లో 3.86 లక్షల కోత్త కేసులు నమోదయ్యాయి. దీంతో కరోనా కేసులు దేశంలో 1.87 కోట్లు దాటాయి.