Mutual Funds: ఆగస్ట్ నెలలో మ్యూచువల్ ఫండ్లు కొనుగోలుచేసిన స్టాక్స్ ఇవే..!

ఆగస్టు 2026లో మ్యూచువల్ ఫండ్‌లు కొన్ని ఇతర స్టాక్‌లలో తమ హోల్డింగ్‌లను తగ్గించుకున్నప్పటికీ, లార్జ్, మిడ్, స్మాల్-క్యాప్ విభాగాలలోని అనేక స్టాక్‌లలో తమ పెట్టుబడులను పెంచుకున్నాయి. ఈ మార్పులు, ఫండ్ మేనేజర్లు వివిధ మార్కెట్-క్యాప్ విభాగాలలో తమ పెట్టుబడులను ఎక్కడ పెంచుతున్నారో లేదా తగ్గిస్తున్నారో అనే దానిపై పెట్టుబడిదారులకు ఒక అవగాహనను అందిస్తాయి. ఆగస్టులో మ్యూచువల్ ఫండ్‌లు నిఫ్టీ 50 స్టాక్‌లలో 42% స్టాక్‌లను నికరంగా కొనుగోలు చేశాయి, వీటిలో 21 లార్జ్-క్యాప్ స్టాక్‌లు ఉన్నాయి. మిడ్, స్మాల్-క్యాప్ విభాగాలలో కొనుగోళ్లు మరింత విస్తృతంగా ఉన్నాయి. మ్యూచువల్ ఫండ్‌లు నిఫ్టీ మిడ్‌క్యాప్ 100 స్టాక్‌లలో 55% (55 స్టాక్‌లు) నిఫ్టీ స్మాల్‌క్యాప్ 100 స్టాక్‌లలో 64% (64 స్టాక్‌లు) నికరంగా కొనుగోలు చేశాయి.

ఆగష్టు 2026లో మ్యూచువల్ ఫండ్‌లు తమ హోల్డింగ్‌లను అత్యధికంగా పెంచుకున్న, తగ్గించుకున్న ప్రతి విభాగంలోని టాప్ ఐదు స్టాక్‌లు ఏమిటో చూద్దాం. నిఫ్టీ 50 స్టాక్‌లలో మ్యూచువల్ ఫండ్‌లు కలిగి ఉన్న షేర్లలో డాక్టర్ రెడ్డీస్ లాబొరేటరీస్ అత్యధిక పెరుగుదలను చూసింది. ఇది జూలై 2026 నుంచి 11.4% పెరిగింది. ఆగష్టు 2026 నాటికి మ్యూచువల్ ఫండ్‌లు ఈ లార్జ్-క్యాప్ స్టాక్‌కు చెందిన 11.86 కోట్ల షేర్లను కలిగి ఉన్నాయి.కోల్ ఇండియా 9.9% పెరుగుదలతో దాని తర్వాతి స్థానంలో ఉండగా, టాటా స్టీల్ 4.3 శాతం, మాక్స్ హెల్త్‌కేర్ 4.2 శాతం షేర్లను మ్యూచువల్ ఫండ్లు హోల్డ్ చేస్తున్నాయి.

అల్ట్రాటెక్ సిమెంట్ షేర్లలో 4 శాతం మ్యూచువల్ ఫండ్లు హోల్డ్ చేస్తున్నాయి. మరోవైపు, గ్రాసిమ్ ఇండస్ట్రీస్ మ్యూచువల్ ఫండ్‌లు కలిగి ఉన్న షేర్లలో అత్యంత తీవ్రమైన క్షీణతను నమోదు చేసింది. ఇది నెలవారీగా 9.7 శాతా తగ్గింది. బజాజ్ ఫిన్‌సర్వ్, బజాజ్ ఆటో, టెక్ మహీంద్రా, ఎటర్నల్ తర్వాతి స్థానాల్లో నిలిచాయి. మిడ్-క్యాప్ రంగంలో కొనుగోళ్లు మరింత విస్తృతంగా జరిగాయి. మ్యూచువల్ ఫండ్ల వద్ద ఉన్న షేర్లలో కొచ్చిన్ షిప్‌యార్డ్ 29.4%తో అతిపెద్ద పెరుగుదలను నమోదు చేయగా, దాని తర్వాత పతంజలి ఫుడ్స్ 27.6%తో నిలిచింది. ఐసిఐసిఐ ఏఎంసి, బిలియన్‌బ్రెయిన్స్, వన్ 97 షేర్లను మ్యూచువల్ ఫండ్లు ఎక్కువగా కొనుగోలు చేశాయి.

అమ్మకాల విషయానికి వస్తే, మ్యూచువల్ ఫండ్ల వద్ద ఉన్న టాటా ఎల్క్సీ షేర్లు 22.9% పడిపోగా, దాని తర్వాత హడ్కో (HUDCO) 22.4%, రైల్ వికాస్ 19.7% పడిపోయాయి. స్మాల్ క్యాప్ రంగంలో అత్యంత విస్తృతమైన కొనుగోళ్లు నమోదయ్యాయి. నిఫ్టీ స్మాల్‌క్యాప్ 100 స్టాక్‌లలో 64% స్టాక్‌లను మ్యూచువల్ ఫండ్లు నికరంగా కొనుగోలు చేశాయి. మ్యూచువల్ ఫండ్ల వద్ద ఉన్న టెన్నెకో క్లీన్ ఎయిర్ షేర్లు నెలవారీగా 129.5% పెరిగాయి. దాని తర్వాత కెఫిన్ టెక్నాలజీస్ 41% వృద్ధిని నమోదు చేసింది. మ్యూచువల్ ఫండ్ల వద్ద ఉన్న షేర్లు 56.8% పడిపోవడంతో హిమాద్రి స్పెషాలిటీ అత్యంత తీవ్రమైన క్షీణతను నమోదు చేసింది.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి.