ICICI Pru Guaranteed Income: ఐసీఐసీఐ నుండి సరికొత్త ప్లాన్

ఐసీఐసీఐ ప్రుడెన్షియల్ లైఫ్ ఇన్సూరెన్స్ కొత్త పొదుపు ప్రొడక్ట్‌ను విడుదల చేసింది. దీర్ఘకాలం కోసం ఐసీఐసీఐ ప్రు గ్యారంటీడ్ ఇన్‌కమ్ ఫర్ టుమారో పేరుతో దీనిని తీసుకు వచ్చింది. రెగ్యులర్‌గా పన్ను భారం లేని ఆదాయాన్ని అందించటం లేదా ప్రీమియం మొత్తంపై 110 శాతం రిటర్న్స్ ఇచ్చే విధంగా దీనిని సిద్ధం చేసినట్లు తెలిపింది. పాలసీదారులు ఏడు లేదా పదేళ్ల పాటు ప్రీమియం చెల్లించటం ద్వారా 30 ఏళ్ల వరకు ఆదాయం అందించే విధంగా ఈ ప్లాన్స్‌ను రూపొందించారు. అలాగే, ఈ పాలసీ ద్వారా జీవిత బీమా కవరేజీని అందించనున్నట్లు వెల్లడించింది.

ఐసీఐసీఐ ప్రుడెన్షియల్ లైఫ్ ఇన్సురెన్స్ దీనిని ఇటీవలే ప్రారంభించింది. ఇది సరికొత్త నాన్-పార్టిసిపేటింగ్ సేవింగ్స్ ప్రోడక్ట్. కస్టమర్లు ప్రీమియం పేమెంట్ టర్మ్‌ను ఏడేళ్లు లేదా పదేళ్లు వెసులుబాటును ఎంచుకోవచ్చు. తమ తమ అవసరాలకు అనుగుణంగా వారు 15, 20, 25 లేదా ముప్పై ఏళ్లను ఎంచుకోవచ్చు. ఈ సేవింగ్స్ ప్లాన్ ద్వారా క్రమంగా ఆదాయాన్ని సమకూర్చుకోవచ్చు. క్రమంగా వారు తమ ఆర్థిక లక్ష్యాలను చేరుకోవచ్చు.

పిల్లల విద్య, రిటైర్మెంట్ ప్లానింగ్ వంటి వాటి కోసం ప్లాన్ చేసుకోవచ్చు. దీని ద్వారా భవిష్యత్తు అనిశ్చితిని తొలగించుకోవచ్చు. వివాహ వార్షికోత్సవాలు, జీవిత భాగస్వామి, పుట్టిన రోజు వంటి ప్రత్యేక తేదీలతో సమానంగా ఆదాయ ప్రారంభ తేదీని ఎంచుకునే వెసులుబాటును సేవ్ ది డేట్ ఫీచర్ అందిస్తుంది.