కరోనా'కు బీమా పాలసీలు వచ్చాయ్...

కరోనా వైరస్ ప్రపంచ దేశాలను గడగడా లాడిస్తోంది. లక్షలాది మంది ఈ వైరస్ బారిన పడుతున్నారు. వేలాది మంది చనిపోతున్నారు. ఈ నేపథ్యంలో అందరు అప్రమత్తం అవుతున్నారు. అయితే దురదృష్ట వశాత్తు ఈ వరుస బారిన పడితే ఎలా? ఊహించుకుంటేనే ఒకింత భయం కలుగుతోంది కాదు. ఒకవేళ ఆసుపత్రిలో చేరితే పరిస్థితి ఏమిటి? వైద్య ఖర్చుల మాటేమిటి? అన్న వాటిపై అనేక సందేహాలు కలుగుతున్నాయి.

బీమా తీసుకుంటే.య.

ఈ నేపథ్యంలో బీమా తీసుకున్న వారికీ కరోనా వైరస్ సోకితే వర్తింపజేయాలన్న వాదనలు తెరపైకి వస్తున్నాయి. ఈ నేపథ్యంలో ఐసిఐసిఐ లాంబార్డ్, స్టార్ హెల్త్ అండ్ అల్లీడ్ ఇన్సూరెన్సు కంపెనీలు కోవిడ్-19 బారిన పడిన వారికి బీమా ప్రయోజనం కల్పించే పాలసీలను విడుదల చేశాయి.

ఐసీఐసీఐ లాంబార్డ్

* ఈ బీమా కంపెనీ *కోవిడ్-19 ప్రొటెక్షన్ కవర్' పేరుతో పాలసీని అందుబాటులోకి తీసుకువచ్చింది.

* ఆస్పత్రిలో చేరినప్పుడు అయ్యే వ్యయాలతో సంబంధం లేకుండా బీమా తీసుకున్న మొత్తాన్ని కంపెనీ చెల్లిస్తుంది.

* ప్రభుత్వం ఆథరైజ్ చేసిన కేంద్రాలు నిర్వహించే టెస్టుల్లో కోవిడ్-19 పాజిటివ్ అని తేలితే ఆ పాలసీ దారుకు సమ్ ఇన్స్యూర్డ్ మొత్తాన్ని కంపెనీ చెల్లిస్తుంది.

* పాలసీ కాలానికి ఇది వర్తిస్తుంది. పాలసీ తీసుకున్న తర్వాత వెయిటింగ్ పీరియడ్ 14 రోజులు ఉంటుంది.

* ప్రీమియం రూ. 149 చెల్లిస్తే రూ. 25,000 లకు బీమా రక్షణ లభిస్తుంది. ఈ ప్లాన్ లో పలు వేల్యూ యాడెడ్ ప్రయోజనాలు కూడా ఉన్నాయి. అవి. . హెల్త్ అష్యురెన్సు, చాట్ బాట్ ద్వారా వర్చువల్ అసిస్టెన్స్, అంబులెన్సు అసిస్టెన్స్ , టెలి కన్సల్టేషన్ వంటివి ఉన్నాయి.

* 18 ఏళ్ల నుంచి 75 ఏళ్ల వరకు వయసున్న వాళ్ళు ఈ పాలసీని తీసుకోవచ్చు.

* ఈ పాలసీ కాలపరిమితిని ఏడాదికి పరిమితం చేశారు.

* 2019 డిసెంబర్ 31 తర్వాత విదేశాలకు వెళ్లి వచ్చిన వారికి ఈ పాలసి ద్వారా కవరేజీ ని అందించరు.

* భారతీయులకు మాత్రమే బీమా కవరేజీని ఇస్తున్నట్టు కంపెనీ తెలిపింది.

స్టార్ హెల్త్ ...

* ఈ కంపెనీ 'స్టార్ నొవెల్ కరోనా వైరస్' పేరుతో పాలసీని తీసుకువచ్చింది.

* 18 నుంచి 65 ఏళ్ల వయసున్న వారు ఈ పాలసీని తీసుకోవచ్చు.

* ప్రభుత్వ అక్రిడేటెడ్ టెస్ట్ లో పాజిటివ్ అని తేలినా, ఆస్పత్రిలో చేరినా ఏక మొత్తంగా బీమా కవరేజీ మొత్తాన్ని చెల్లించనున్నట్టు కంపెనీ తెలిపింది.

* రూ.459తో పాటు జీఎస్టీ చెల్లిస్తే రూ.21,000, రూ.918 ప్రీమియం తో పాటు జీఎస్టీ చెల్లిస్తే రూ.42,000 సమ్ అష్యురెన్సు లభిస్తుంది.

* 65 ఏళ్ల వరకు వయసున్న వాళ్ళు ఆన్ లైన్ లేదా కంపెనీ ఏజెంట్ల ద్వారా పాలసీని కొనుగోలు చేయవచ్చని కంపెనీ తెలిపింది.