శ్రీలంకలో కార్యకలాపాలు నిలిపివేసిన ఐసీఐసీఐ బ్యాంకు

ICICI బ్యాంకు శనివారం నుండి శ్రీలంకలో కార్యకలాపాలు నిలిపివేసింది. శ్రీలంకన్ మానిటరీ అథారిటీ నుండి అనుమతులు వచ్చిన తర్వాత తాము ఇక్కడి కార్యకలాపాలను నిలిపివేసినట్లు ఈ ప్రయివేటురంగ దిగ్గజ బ్యాంకు తెలిపింది. ఐసీఐసీఐ బ్యాంకు విజ్ఞప్తి మేరకు శ్రీలంక కేంద్రీయ బ్యాంకు ద్రవ్య విధాన బోర్డు శ్రీలంకలో బ్యాంకు ఆపరేషన్స్ కార్యకలాపాలు నిలిపివేయడానికి అనుమతులు ఇచ్చినట్లు తెలిపింది. బ్యాంకుకు ఇచ్చిన లైసెన్స్‌ను కూడా రద్దు చేసింది. ఈ మేరకు రెగ్యులేటరీ ఫైలింగ్‌లో బ్యాంకు తెలిపింది.

ద్రవ్య విధాన బోర్డు నియమ, నిబంధనల మేరకు బ్యాంకు నడుచుకోవడంపై సంతృప్తి చెందిన డైరెక్టర్ ఆఫ్ బ్యాంకు సూపర్ విజన్ శ్రీలంకలో బ్యాంకు కోసం ఇచ్చిన లైసెన్స్‌ను రద్దు చేసేందుకు అంగీకరించింది. ఈ నిర్ణయం 2020 అక్టోబర్ 23వ తేదీ నుండి అమల్లోకి వస్తుంది.

కాగా, ఐసీఐసీఐ బ్యాంకు షేర్ ధర బీఎస్ఈలో 0.84 శాతం (రూ.3.45) పెరిగి రూ.416.35 వద్ద ముగిసింది. అంతకుముందు సెషన్‌లో రూ.412.95 వద్ద క్లోజ్ అయింది. భారత్‌లో రెండో అతిపెద్ద ప్రయివేటురంగ బ్యాంకు ఐసీఐసీఐ. ఇప్పుడు ఇది శ్రీలంకలో తన కార్యకలాపాలు క్లోజ్ చేసింది.