హైదరాబాద్‌లో ఈ ఏరియాలో ఎకరా రూ.151.25 కోట్లు.. సామాన్యుడి సొంతింటి కల ఇంకేమి నెరవేరుతుంది..

హైదరాబాద్ రియల్ ఎస్టేట్ రంగం ఇటీవల కాలంలో తన ప్రత్యేక స్థానాన్ని నిలబెట్టుకుంది. ముఖ్యంగా ఒఆర్‌ఆర్ పశ్చిమ భాగంలో ఉన్న నియోపోలిస్ (కోకాపేట్-కోలూరు) ప్రాంతం, ప్రీమియం హై-రైజ్ ప్రాజెక్టుల, భారీ స్థాయిలో పెట్టుబడుల కేంద్రంగా మారింది. తాజాగా 'ది కాస్కేడ్స్ నియోపోలిస్' డెవలపర్లు సరికొత్త రికార్డును క్రియేట చేశారు.

జీహెచ్ఆర్ ఇన్ఫ్రా, లక్ష్మీ ఇన్ఫ్రా, అర్బన్ బ్లాక్స్ రియాల్టీ కలిసిన కన్సార్టియం, హైదరాబాద్ మెట్రోపాలిటన్ డెవలప్‌మెంట్ అథారిటీ నిర్వహించిన మూడో దశ భూవేలంలో 4.03 ఎకరాల ప్లాట్ 15ను ఎకరానికి రూ.151.25 కోట్లు చెల్లించి ది కాస్కేడ్స్ నియోపోలిస్ కైవసం చేసుకుంది. ఈ బిడ్ తెలంగాణ భూవేలం చరిత్రలో రెండో అత్యధిక రేటుగా నిలిచింది.

అక్టోబర్ 2025లో రాయదుర్గ్‌లోని నాలెడ్జ్ సిటీ ప్రాంతంలో నమోదైన ఎకరానికి రూ.177 కోట్ల రికార్డు తర్వాత, ఈ తాజా బిడ్ రెండో అత్యధిక బిడ్ గా చెప్పవచ్చు. ఈ భారీ ధర పెట్టుబడిదారులు కోకాపేట్-నియోపోలిస్ ప్రాంతాన్ని ఎంత ప్రభావవంతమైన రియల్ ఎస్టేట్ కారిడార్‌గా భావిస్తున్నారో సూచిస్తుంది. ముఖ్యంగా ఫైనాన్షియల్ డిస్ట్రిక్ట్, గచ్చిబౌలి వంటి ఉద్యోగ కేంద్రాలకు సమీపంలో ఉండటం, మెరుగైన రోడ్ల కనెక్టివిటీ, ప్రీమియం మౌలిక సదుపాయాలు ఈ ప్రాంతాన్ని హైదరాబాద్‌లో అత్యంత హాట్ ప్రాపర్టీ జోన్‌గా నిలబెట్టాయి.

జూన్ 2025లో ఆవిష్కరించిన 'ది కాస్కేడ్స్ నియోపోలిస్' ఇప్పటికే Hyderabad Real Estate వర్గాల్లో భారీ చర్చకు తెరలేపింది. రూ.3169 కోట్ల విలువ గల ఈ సూపర్-లగ్జరీ ప్రాజెక్ట్‌లో 217 మీటర్ల ఎత్తు కలిగిన ఐదు టవర్లు నిర్మించనున్నారు. మొత్తం 63 అంతస్తులతో రూపుదిద్దుకుంటున్న ఈ టవర్లు హైదరాబాద్‌లోనే కాకుండా దక్షిణ భారతదేశంలో అత్యంత ఎత్తైన రెసిడెన్షియల్ టవర్లలో ఒకటిగా నిలిచే అవకాశం ఉంది. ఆధునిక అమెనిటీలతో, ప్రీమియం స్కై-విలాస్, హై-సెక్యూరిటీ ప్రమాణాలు, గ్లోబల్-స్టాండర్డ్ ఆర్కిటెక్చర్‌తో ఈ ప్రాజెక్ట్ నగర రియాల్టీ మార్కెట్లో కొత్త ప్రామాణికాలను సృష్టించేలా కనిపిస్తోంది.

నియోపోలిస్ వేలంలో కన్సార్టియం గెలుచుకున్న కొత్త ల్యాండ్ కాస్కేడ్స్ ప్రాజెక్ట్ దృష్టిని మరింత విస్తరించనున్నట్లు పరిశ్రమ నిపుణులు భావిస్తున్నారు. ఇది కేవలం మరో రియల్ ఎస్టేట్ పెట్టుబడి మాత్రమే కాదు.. హైదరాబాద్ సిటీలో అల్ట్రా-లగ్జరీ నివాసాలకు పెరుగుతున్న డిమాండ్‌కు ఉన్న బలమైన సూచిక అని కూడా చెప్పవచ్చు. ఈ పెట్టుబడి, భవిష్యత్తులో నియోపోలిస్ ప్రాంతం దుబాయ్ మారినా, సింగపూర్ మెరినా బె తో సమానంగా అభివృద్ధి చెందే అవకాశాలను ప్రతిబింబిస్తుందనే అభిప్రాయాలు రియల్టీ వర్గాల్లో వినిపిస్తున్నాయి.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి