Surveillance: నిఘా నీడలో భాగ్యనగరం.. ప్రపంచ రికార్డు సొంతం..

Surveillance: 'మీరు నిఘా పరిధిలో ఉన్నారు' అనే రాతలను మనం చాలాచోట్ల చూస్తూ ఉంటాం. అంటే CC కెమెరాలు మిమ్మల్ని పర్యవేక్షిస్తున్నాయని అర్థం. నేరాల కట్టడి కోసం నగరాల్లో పలు చోట్ల ఇవి ఎక్కువగా దర్శనమిస్తుంటాయి. ఇలా నిఘా నీడన ఉన్న సిటీల్లో హైదరాబాద్ ప్రపంచ ర్యాంక్ సొంతం చేసుకుంది.

వరల్డ్ ఆఫ్ స్టాటిస్టిక్స్ నివేదిక ప్రకారం.. ప్రపంచంలో అత్యధికంగా పర్యవేక్షించబడే టాప్ 50 నగరాల జాబితాలో హైదరాబాద్ చోటు దక్కించుకుంది. ప్రతి చదరపు మైలుకు సగటున 321 కెమెరాలతో, భాగ్యనగరం 41 వ స్థానంలో నిలిచింది. ఈ మేరకు తన అధికారిక X(గతంలో ట్విట్టర్) హ్యాండిల్‌లో ఆ సంస్థ వివరాలను షేర్ చేసింది.

ఈ జాబితాలో దేశ రాజధాని ఢిల్లీ 22వ స్థానం సొంతం చేసుకుంది. ఇక్కడ ప్రతి చదరపు మైలుకు సగటున 1,490 కెమెరాలు ఉన్నాయి. ఎంతో గొప్పగా చెప్పుకునే అగ్ర రాజ్యంలోని ప్రముఖ నగరాలు న్యూయార్క్ 44, లాస్ ఏంజెల్స్ 58వ స్థానాల్లో నిలవడం విశేషం.

అత్యంత విస్తృతంగా పర్యవేక్షించబడుతున్న నగరాల్లో చైనాలోని షెన్‌ జెన్‌ అగ్రస్థానం దక్కించుకుంది. ఈ సిటీలో సగటున 7,462 కెమెరాలు ఉండటం విశేషం. అయితే మొదటి 20 స్థానాలనూ డ్రాగన్ కంట్రీలోని వివిధ నగరాలు ఆక్రమించాయి. కాగా చైనా రాజధాని బీజింగ్ 21, భారత రాజధాని ఢిల్లీ 22వ స్థానాల్లో కొనసాగుతున్నాయి.