Hyderabad Real Estate: హైదరాబాద్‌ రేడియల్ రోడ్డు! ఈ ఏరియాల్లో రియల్ ఎస్టేట్ సునామీ!

సాధారణంగా పాత రోడ్లను వెడల్పు చేస్తే వాటిని మనం డెవలప్ మెంట్ అంటాం. కానీ, 'గ్రీన్ ఫీల్డ్' అంటే పూర్తిగా కొత్తగా, ఖాళీగా ఉన్న భూముల్లో అత్యాధునిక హంగులతో నిర్మించే రహదారి అని అర్థం. ఇలాంటి రోడ్డు ఒకటి ఇప్పుడు హైదరాబాద్ లో రెడీ అవుతోంది. హైదరాబాద్ (Hyderabad) ఔటర్ రింగ్ రోడ్ (ORR) నుంచి రాబోయే రీజినల్ రింగ్ రోడ్ (RRR) వరకు ఈ కొత్త రేడియల్ రోడ్ నిర్మిస్తున్నారు. దీనివల్ల ప్రయాణ సమయం సగానికి పైగా తగ్గే అవకాశం ఉంది.

ఈ రోడ్డు ప్రత్యేకతలు ఏంటి?

ఈ ప్రాజెక్టును ప్రభుత్వం ఎంతో ప్రతిష్టాత్మకంగా తీసుకుంది. దీని వెడల్పు సుమారు 100 మీటర్లు (300 అడుగులు) ఉంటుంది.

• 6 లేన్ల హైవే: ఇది ఆరు వరుసల రహదారిగా ప్రారంభమై, భవిష్యత్తులో 8 వరుసల వరకు పెంచుకునేలా ప్లాన్ చేశారు.
• మెట్రో కారిడార్: రోడ్డు మధ్యలో 20 మీటర్ల స్థలాన్ని మెట్రో రైలు కోసం కేటాయించారు. అంటే భవిష్యత్తులో ఈ దారిలో మెట్రో ప్రయాణం కూడా సాధ్యమవుతుంది.
• సైకిల్ ట్రాక్ & సర్వీస్ రోడ్లు: పాదచారుల కోసం ఫుట్‌పాత్‌లు, సైక్లింగ్ చేసేవారికి ప్రత్యేక ట్రాక్స్‌తో పాటు రెండు వైపులా 3 వరుసల సర్వీస్ రోడ్లు ఉంటాయి.

కనెక్టివిటీ.. ప్రధాన ప్రాంతాలు..

ఈ రోడ్డు హైదరాబాద్ (Hyderabad) దక్షిణ భాగంలో ఉన్న రంగారెడ్డి జిల్లాలోని కీలక ప్రాంతాలను కలుపుతుంది. సుమారు 41.5 కిలోమీటర్ల పొడవున సాగే ఈ రహదారి ఈ క్రింది ప్రాంతాల గుండా వెళ్తుంది

• రావిర్యాల (ORR ఎగ్జిట్ 13)
• మీర్ ఖాన్ పేట్
• ఆమనగల్లు (RRR కనెక్టివిటీ)
• మహేశ్వరం, ఇబ్రహీంపట్నం, కందుకూరు, యాచారం, కడ్తాల్ మండలాలు.

రియల్ ఎస్టేట్ లో మార్పులు ఎలా ఉంటాయి?

ఈ గ్రీన్ ఫీల్డ్ రేడియల్ రోడ్ ముఖ్యంగా 'ఫోర్త్ సిటీ' (ఫ్యూచర్ సిటీ) కి వెన్నెముకగా నిలవనుంది. ఇక్కడ ప్రభుత్వం నెట్ జీరో సిటీని ప్లాన్ చేస్తోంది.

• పెరగనున్న భూమి ధరలు: ఇప్పటికే ఈ పరిసర ప్రాంతాల్లో భూముల ధరలు విపరీతంగా పెరగడం మొదలైంది. ముఖ్యంగా అమనగల్లు, కందుకూరు ప్రాంతాల్లో ఇన్వెస్ట్మెంట్ చేయడానికి ఇదే సరైన సమయమని నిపుణులు చెబుతున్నారు.
• ఐటీ & ఇండస్ట్రియల్ హబ్: ఈ రోడ్డు వల్ల గచ్చిబౌలి, శంషాబాద్ విమానాశ్రయం నుంచి కొత్తగా రాబోయే ఐటీ హబ్‌లకు ప్రయాణం సులభతరం అవుతుంది.
• ఎలక్ట్రానిక్ సిటీ & స్కిల్ యూనివర్సిటీ: ప్రభుత్వం నిర్మిస్తున్న యంగ్ ఇండియా స్కిల్ యూనివర్సిటీ, ఇతర విద్యాసంస్థలకు ఈ రోడ్డు ద్వారా అద్భుతమైన కనెక్టివిటీ లభిస్తుంది.

మొత్తానికి హైదరాబాద్ (Hyderabad) నగరం మరో అంతర్జాతీయ స్థాయి మౌలిక సదుపాయాలను సొంతం చేసుకోబోతోంది. మీరు గనుక రియల్ ఎస్టేట్ లో పెట్టుబడి పెట్టాలని ఆలోచిస్తుంటే.. ఈ గ్రీన్ ఫీల్డ్ రేడియల్ రోడ్ ఎలైన్‌మెంట్ ఎక్కడుందో ఒకసారి చూసుకోవడం మంచిది. ఎందుకంటే భవిష్యత్తులో ఈ రోడ్డు చుట్టుపక్కల ప్రాంతాలే 'గోల్డెన్ జోన్'గా మారబోతున్నాయి!