Defence Multibagger: రికార్డుల మోత మోగిస్తున్న మల్టీబ్యాగర్.. హైదరాబాద్ స్టాక్ జోరు..

Defence Multibagger: కొన్ని రోజులుగా దేశీయ స్టాక్ మార్కెట్లు తీవ్ర ఒడిదొడుకుల్లో కొనసాగుతున్నాయి. అయితే ఇలాంటి సమయంలోనూ సూపర్ లాభాలను అందిస్తున్న మల్టీబ్యాగర్ స్టాక్ ప్రస్తుతం ఇన్వెస్టర్ల దృష్టిని ఆకర్షిస్తోంది.

ఇప్పుడు మనం మాట్లాడుకోబోతున్నది అపోలో మైక్రో సిస్టమ్స్ లిమిటెడ్ కంపెనీ షేర్ల గురించే. హైదరాబాద్ కేంద్రంగా పనిచేస్తున్న ఈ కంపెనీ ఏరోస్పేస్ అండ్ డిఫెన్స్ రంగంలో వ్యాపారాన్ని కొనసాగిస్తోంది. బుధవారం 15.26 శాతం పెరగటంతో కంపెనీ షేర్లు మార్కెట్లో కొత్త రికార్డు స్థాయి ధర రూ.105.40ని బీఎస్ఈలో తాకాయి. స్మాల్ క్యాప్ కేటగిరీలోని కంపెనీ ప్రస్తుతం రూ.2,288 కోట్ల మార్కెట్ క్యాప్ కలిగి ఉంది. అలాగే స్టాక్ 52 వారాల కనిష్ఠ ధర రూ.20.71గా ఉంది. కంపెనీ ఎలక్ట్రానిక్ తయారీ, హార్డ్‌వేర్ డిజైనింగ్, వెపన్ ఇంటిగ్రేషన్, ప్లాట్‌ఫారమ్ ఇంటిగ్రేషన్‌ వ్యాపారంలో కొనసాగుతోంది.

MP3 ఇంటర్నేషనల్‌ని మిడిల్ ఈస్ట్ మార్కెట్‌కి అధికారిక ప్రతినిధిగా నియమించినట్లు కంపెనీ వెల్లడించింది. MP3 ఇంటర్నేషనల్ గ్రేడ్ వన్ గ్రూప్ అనుబంధ సంస్థ. అలాగే అబుదాబి ప్రభుత్వ యాజమాన్యంలోని సంస్థ అయిన EDGE GROUPలో ప్రముఖ భాగం. UAEలోని రక్షణ ఉత్పత్తుల్లో ప్రత్యేకత కలిగి ఉంది. ఈ వ్యూహాత్మక సహకారం లెటర్ ఆఫ్ ఆథరైజేషన్ ద్వారా స్థాపించబడింది. మెరుగైన మార్కెట్ రీచ్, ఈ ప్రాంతంలోని ఖాతాదారులతో లోతైన వ్యాపార బంధాన్ని ఏర్పాటు చేసుకునేందుకు మార్గం సుగమం అవుతుందని కంపెనీ వెల్లడించింది.

గత నెలలో అపోలో మైక్రో సిస్టమ్స్ హైదరాబాద్‌లోని హార్డ్‌వేర్ పార్క్‌లో రూ.150 కోట్ల పెట్టుబడితో రక్షణ పరికరాల తయారీ కేంద్రాన్ని ఏర్పాటు చేస్తున్నట్లు ప్రకటించింది. అపోలో మైక్రో సిస్టమ్స్ ప్రభుత్వం, ప్రైవేట్ డిఫెన్స్ ప్లేయర్‌లు, స్పేస్ అండ్ హోమ్‌ల్యాండ్ సెక్యూరిటీ కోసం మిషన్, టైమ్-క్లిష్టమైన పరిష్కారాలను అందిస్తుంది. కంపెనీ షేర్లు గడచిన ఆరు నెలల్లో 213 శాతం పెరగగా.. ఏడాది కాలంలో 365 శాతం రాబడిని అందించి తమ ఇన్వెస్టర్లకు మల్టీబ్యాగర్ రాబడులను అందించింది.