Hyderabad news: ఆన్‌-టైమ్ సర్వీసెస్‌లో హైదరాబాద్ టాప్.. ప్రపంచ విమానయానంలో భారతీయ నగరాలు

Aviation news: విశ్వనగరంగా హైదరాబాద్ రోజురోజుకీ తన స్థానాన్ని సుస్థిరం చేసుకుంటోంది. ప్రపంచ స్థాయి ప్రముఖ నగరాలతో పోటీపడుతోంది. భారీగా పెరిగిన విమాన ప్రయాణాలు ఇందుకు నిదర్శనం కాగా.. వారికి ఏమాత్రం ఇబ్బంది కలగకుండా సమయపాలన పాటిస్తోంది.

ఆపరేషనల్ పెర్ఫార్మెన్స్ మరియు సమయపాలన పరంగా హైదరాబాద్ టాప్ 10 విమానాశ్రయాల్లో చోటుదక్కించుకుంది. భాగ్యనగరం రెండో స్థానంలో నిలవగా.. బెంగళూరు మూడు, కోల్‌కతా 9వ ర్యాంక్ సాధించాయి. ఈ మేరకు ఏవియేషన్ అనలిటిక్స్ సంస్థ సిరియమ్ ఆన్-టైమ్ పెర్ఫార్మెన్స్ (OTP) రివ్యూ రిపోర్ట్ విడుదల చేసింది.

84.42 శాతం OTPతో రాజీవ్ గాంధీ ఇంటర్నేషనల్ ఎయిర్‌పోర్ట్.. గ్లోబల్ ఎయిర్‌పోర్ట్‌లు మరియు పెద్ద విమానాశ్రయాల విభాగాల్లో రెండో స్థానంలో ఉంది. ఇక బెంగళూరులోని కెంపేగౌడ అంతర్జాతీయ విమానాశ్రయం 84.08 శాతం OTPతో 2 విభాగాల్లో 3వ ర్యాంక్ సాధించింది. కోల్‌కతాలోని నేతాజీ సుభాష్ చంద్రబోస్ విమానాశ్రయం 83.91 శాతం OTPతో తొమ్మిదో స్థానాన్ని దక్కించుకుంది.

అమెరికాలోని పాల్ ఇంటర్నేషనల్ ఎయిర్‌పోర్ట్ 84.44 శాతం OTPతో 2 జాబితాలలో అగ్రస్థానంలో నిలిచింది. కాగా మధ్యస్థ విమానాశ్రయాల విభాగంలో, ప్రపంచంలోనే అత్యంత వేగంగా అభివృద్ధి చెందుతున్న పౌర విమానయాన మార్కెట్లలో భారతదేశం ఒకటి. పెరుగుతున్న విమాన ప్రయాణీకుల రద్దీతో మరిన్ని సంస్థలు ఈ విభాగంలోకి అడుగుపెట్టాలని చూస్తున్నాయి.