HUL: రెండు దశాబ్దాల నాటి బ్రాండ్లను అమ్మేసుకున్న హెచ్‍యూఎల్..!

హిందుస్తాన్ యూనిలీవర్ లిమిటెడ్ (HUL) దశాబ్దాల నాటి రెండు బ్రాండ్‌లు 'అన్నపూర్ణ' 'కెప్టెన్ కుక్'లను ఉపసంహరించుకోవాలని తీసుకున్న నిర్ణయింది. అయితే ఈ నిర్ణయం దలాల్ స్ట్రీట్‌కు స్టాక్‌పై ఎలాంటి ప్రభావం చూపే అవకాశం లేదని నిపుణులు చెబుతున్నారు. ఎందుకంటే ఇది నాన్-కోర్ కేటగిరీల నుంచి నిష్క్రమించడానికి కంపెనీ వ్యూహానికి అనుగుణంగా ఉందన్నారు.

సింగపూర్‌

FMCG శుక్రవారం సింగపూర్‌కు చెందిన రీయాక్టివేట్ బ్రాండ్స్ ఇంటర్నేషనల్‌కు రెండు బ్రాండ్‌లను అన్నపూర్ణ అట్టా, కెప్టెన్ కుక్ ఉప్పు బ్రాండ్లను రూ. 60.4 కోట్లకు విక్రయించడానికి ఒప్పందం కుదుర్చుకుంది."డ్రెసింగ్స్, స్క్రాచ్ కుకింగ్, సూప్‌ల ప్యాకేజ్డ్ ఫుడ్స్ బిజినెస్‌లో దాని వృద్ధి ఎజెండాను కొనసాగిస్తూనే, నాన్-కోర్ కేటగిరీల నుంచి నిష్క్రమించాలనే ఉద్దేశంతో HUL ఈ నిర్ణయం తీసుకుందని" అని కంపెనీ ఒక ప్రకటనలో తెలిపింది.

90 రోజులలోపు

రెండు దశాబ్దాల కంటే పాతది అయినప్పటికీ, FY22లో రెండు బ్రాండ్‌ల టర్నోవర్ రూ. 127 కోట్లు మాత్రమే. ఈ బ్రాండ్ల ఆదాయం HUL మొత్తం టర్నోవర్‌లో 1% కంటే తక్కువగా ఉన్నాయి. ఈ ఒప్పందం 90 రోజులలోపు ముగియనుంది. ట్రేడ్‌మార్క్‌లు, కాపీరైట్‌లు, ఇతర మేధోపరమైన ఆస్తుల విక్రయం ఈ ఒప్పందంలో పూర్తి చేయవల్సి ఉంటుంది.

ఉమా గ్లోబల్ ఫుడ్స్ ప్రై

సింగపూర్ కంపెనీకి అనుబంధంగా ఉన్న ఉమా గ్లోబల్ ఫుడ్స్ ప్రైవేట్ లిమిటెడ్, ఉమా కన్స్యూమర్ ప్రొడక్ట్స్ ప్రైవేట్ లిమిటెడ్‌లకు ఈ రెండు బ్రాండ్‌లు మళ్లిస్తారు. రెండు దశాబ్దాల క్రితం, HUL యొక్క 'కెప్టెన్ కుక్' ఉప్పు బ్రాండ్ నేరుగా టాటా సాల్ట్‌తో పోటీ పడింది. కానీ టాటా సాల్ట్ అప్పటికి వ్యవస్థీకృత ఉప్పు మార్కెట్‌లో తన స్థానాన్ని బలోపేతం చేసుకుంది. నేడు ఇది టాటా వినియోగదారుల ఉత్పత్తులకు అతిపెద్ద విభాగంగా ఉంది.

ITC

డిసెంబర్ త్రైమాసికంలో టాటా కన్స్యూమర్స్ సాల్ట్ సెగ్మెంట్ ధర తగ్గింపులు ఉన్నప్పటికీ ఆదాయంలో రెండంకెల వృద్ధిని నమోదు చేసింది. కంపెనీ మరింత మార్కెట్ వాటాను పొందింది. ఉప్పులాగే గోధుమ పిండి విభాగంలో కూడా పోటీ దూకుడుగా మారింది. వైవిధ్యభరితమైన సమ్మేళనంతో ITC మే 2002లో 'ఆశీర్వాద్ అట్టా' ప్రారంభించడంతో బ్రాండెడ్ 'అట్టా' మార్కెట్‌లోకి ప్రవేశించింది. అతి తక్కువ వ్యవధిలో ఇది దేశవ్యాప్తంగా నంబర్ 1 బ్రాండ్ ప్యాకేజ్డ్ అటాగా మారింది. 2018లో 'ఆశీర్వాద్ అట్టా' 28% మార్కెట్ వాటాతో రూ. 4,000 కోట్ల బ్రాండ్‌గా మారింది. ఇప్పుడు అది మరింత మెరుగుపడింది.