ఇండియా ధనిక దేశంగా ఎలా మారుతుంది ? ప్రపంచ బ్యాంకు సలహా ఇదే..

నేడు స్టాక్ మార్కెట్ కుప్పకూలగా, మరోవైపు భారత ఆర్థిక వ్యవస్థకు సంబంధించిన శుభవార్త లభించింది. డిసెంబర్ త్రైమాసికంలో దేశ జిడిపి 6.2% వద్ద ఉన్నట్లు తాజాగా నివేదిక విడుదలైంది. అయితే గత త్రైమాసికంలో జిడిపి రేటు 5.6%గా ఉంది. అంటే, గత త్రైమాసికంతో పోల్చి చూస్తే పెరుగుదల నమోదైంది. మరోవైపు, భారతదేశం ధనిక దేశంగా ఎలా మారగలదో ప్రపంచ బ్యాంకు వివరించింది. అంటే భారతదేశాన్ని అధిక ఆదాయ ఆర్థిక వ్యవస్థ కలిగిన దేశాల లిస్టులో చేర్చవచ్చు.

ప్రపంచ బ్యాంకు నివేదిక ప్రకారం, భారతదేశం ధనిక దేశంగా మారాలంటే రాబోయే కొన్ని దశాబ్దాల పాటు సగటున 7.8 శాతం వృద్ధి చెందాలి. అంటే మన దేశ ఆర్థిక వ్యవస్థ వేగంగా వృద్ధి చెందాలి. '2047 నాటికి భారతదేశం అధిక ఆదాయ దేశంగా మారాలంటే, తలసరి ఆదాయం(GDP) ప్రస్తుత స్థాయి నుండి దాదాపు 8 రెట్లు పెరగాలి' అని నివేదిక పేర్కొంది.

ధనిక దేశంగా మారడానికి ఎంత సమయం పడుతుంది?
ప్రపంచంలోనే అత్యధిక జనాభా ఉన్న దేశమైన భారతదేశం 2032 నాటికి ఎగువ మధ్యతరగతి ఆదాయ(upper middle-income) దేశంగా మారుతుందని ప్రపంచ బ్యాంకు చెబుతోంది. కానీ 2047 నాటికి అభివృద్ధి చెందిన దేశంగా మారాలంటే, భారతదేశం రాబోయే రెండు దశాబ్దాల పాటు చాలా వేగంగా అభివృద్ధి చెందాలి. ఇది ఒక పెద్ద లక్ష్యం. ప్రపంచ బ్యాంకు ప్రకారం, 2023 సంవత్సరంలో భారతదేశ తలసరి స్థూల జాతీయ ఆదాయం $2540 (సుమారు రూ. 2.22 లక్షలు). అధిక ఆదాయ దేశం హోదాను పొందాలంటే 2047 నాటికి $20,000 (సుమారు రూ.17.48 లక్షలు) కు చేరుకోవాలి.

పూర్తి చేయాల్సి పనులు
భారతదేశం తన అభివృద్ధి లక్ష్యాలను సాధించాలంటే మూలధన పెట్టుబడి, కార్మిక సంస్కరణలు, ఉత్పాదకతను పెంచడంపై దృష్టి పెట్టాల్సి ఉంటుందని నివేదిక పేర్కొంది. దీని అర్థం కొత్త కర్మాగారాలను స్థాపించడం, ఉద్యోగ నిబంధనలను మెరుగుపరచడం ఇంకా పని సామర్థ్యాన్ని పెంచడంపై శ్రద్ధ వహించాల్సి ఉంటుంది. భారతదేశం తక్షణమే కార్మిక శక్తి భాగస్వామ్యాన్ని అండ్ ఉద్యోగ సృష్టిని పెంచాల్సిన అవసరం ఉందని నివేదిక పేర్కొంది. అంటే మరింత ఎక్కువ మందికి ఉపాధి దొరకాలి.