Multibagger Stock: రాకెట్ వేగంతో దూసుకెళ్తిన స్టాక్.. లక్ష పెట్టుబడిని రూ.38.5 కోట్లుగా మార్చిన మల్టీబ్యాగర్..

Multibagger Stock: సాధారణంగా మల్టీబ్యాగర్ స్టాక్స్ పెట్టుబడిని లక్షల్లోకి లేదా కొన్ని సార్లు కోట్లలోకి మార్చటం గురించి మనం తెలుసుకునే ఉంటాం. కానీ టాటా గ్రూప్ కు చెందిన ఈ కంపెనీ మాత్రం పదుల కోట్లుగా మార్చి రికార్డులు సృష్టిస్తోంది. ఐపీవో సమయంలో ఈ స్టాక్ కొని హోల్డ్ చేస్తున్న వారు ప్రస్తుతం వందల కోట్లకు యజమానులు. ఈ స్టాక్ రాకెట్ వేగంతో తన ఇన్వెస్టర్లను సంపన్నులుగా మార్చింది. ఈ స్టాక్ కు సంబంధించిన ఆసక్తికరమైన విషయాలను ఇప్పుడు తెలుసుకుందాం..

కంపెనీ స్థాపన.. వ్యాపారం..

టాటా గ్రూప్, హనీవెల్ జాయింట్ వెంచర్‌గా హనీవెల్ ఆటోమేషన్ ఇండియా లిమిటెడ్ (HAIL)ని స్థాపించాయి. గతంలో టాటా హనీవెల్ లిమిటెడ్‌గా పిలిచే ఈ కార్పొరేషన్‌లో ఒక్కొక్కరి వాటా 39.54 శాతం వరకు ఉంది. కానీ.. 2004లో టాటాలు కొంత వాటాను కొనుగోలు చేసిన తర్వాత, హనీవెల్ ఆసియా పసిఫిక్ ఇంక్ కంపెనీ పేరును హనీవెల్ ఆటోమేషన్ ఇండియా లిమిటెడ్‌గా మార్చింది. హనీవెల్ ఆటోమేషన్ ఇండియా లిమిటెడ్, ప్రముఖ ఇంటిగ్రేటెడ్ ఆటోమేషన్, సాఫ్ట్‌వేర్ సొల్యూషన్స్ ప్రొవైడర్ గా ఉంది. కంపెనీలో దీర్ఘకాలంగా పెట్టుబడులు కొనసాగించిన ఇన్వెస్టర్లకు మంచి లాభాలను అందించిన కంపెనీలకు ఇదొక మంచి ఉదాహరణ.

ఐపీవో నుంచి ఇప్పటి వరకు..

20 సంవత్సరాలలో, కంపెనీ షేరు ధర జూలై 11, 2002న రూ.202.45 నుంచి జూలై 11, 2022 నాటికి రూ.35,950.00కి పెరిగింది. ఇలా ఈ షేర్ 17,657.47 శాతం పెరిగి తన ఇన్వెస్టర్లకు మల్టీ బ్యాగర్ రాబడులను అందించింది. అప్పట్లో ఈ స్టాక్ లో రూ. లక్ష పెట్టుబడి పెట్టిన వారికి.. రూ.17.6 కోట్ల రాబడిని అందించింది. IPO తేదీ నుంచి కంపెనీ 38,555.91 శాతం మల్టీ-బ్యాగర్ రాబడిని అందించింది. ఆ సమయంలో రూ. లక్ష పెట్టుబడి పెట్టినవారికి.. ప్రస్తుతం రూ.38.5 కోట్ల రాబడి వచ్చి ఉండేది.

దిగ్గజ కంపెనీలతో వ్యాపారం..

31,604 కోట్ల మార్కెట్ విలువ కలిగిన లార్జ్-క్యాప్ సంస్థ హనీవెల్ ఆటోమేషన్ ఇండియా లిమిటెడ్. హనీవెల్ ఆటోమేషన్ లిమిటెడ్ అంతిమ హోల్డింగ్ ఎంటిటీ దాని ప్రమోటర్, హనీవెల్ ఇంటర్నేషనల్ ఇంక్ USA. బిల్డింగ్ కంట్రోల్స్, ప్రాసెస్ సొల్యూషన్స్, బిల్డింగ్ సొల్యూషన్స్, హోమ్ కంఫర్ట్ కంట్రోల్‌లను అందిస్తోంది. ప్రస్తుతం దేశంలోని దిగ్గజ వ్యాపార కంపెనీలైన.. రిలయన్స్, వేదాంత, HPCL, TCS, ఢిల్లీ విమానాశ్రయం, AIIMS, ITC హోటల్, కోల్‌కతా విమానాశ్రయం, మహీంద్రా & మహీంద్రా, కిర్లోస్కర్ ఆయిల్ ఇంజిన్‌లు దీనికి ఖాతాదారులుగా ఉన్నారు. ఈ కంపెనీకి మరింత మంది కస్టమర్లు సైతం ఉన్నారు.